係同屋室友?定係同居密友?: (S2)31. Staycation計劃

Case完之後，大家都回復正常工作。每日學翹係到安排師傅工作，處理技術上問題，而小祺就係到處理User問題以及系統問題，下晝時間就會返上總部到處理其他工作。
 
隨住畢業典禮愈來愈近，佢地兩個都一齊去試畢業袍
 
係學校一個課室臨時改裝而成嘅試身室內，佢地都各自試好自己件袍
 
正當小祺想揀租袍果時，學翹拎左佢份form，幫佢揀左買袍
 
「喂，無啦啦做咩幫我揀買袍呀?著得果一兩次」
 




「咪當留個紀念俾自己，將來話俾d仔女知，爸爸媽媽一齊畢業好開心」
 
小祺面紅紅望住學翹「我幾時有話同你結婚生小朋友呀?」
 
「唔係講好左啦咩?」  「唔係喎，你都冇d誠意」
 
佢地兩個經常咁樣打打鬧鬧，每日都好甜蜜
 
學翹同小祺各有兩張畢業典禮入場券
 




「俾埋我果兩張你啦，反正…我都冇屋企人」小祺有d無奈咁講
 
「妳真係唔叫屋企人黎?」「叫黎做乜?一陣又問我拎錢」
 
多左兩張飛嘅學翹，為左氹小祺開心，就邀請左家姐一家四口出席佢同小祺嘅畢業典禮
 
「之後可以book studio影相喎，妳同唔同我一齊影?」「同你一齊?」
 
「係呀，不過係11月尾左右影」「同你?冇所謂呀」
 




佢地兩個望一望月曆，心有靈犀咁一齊問對方
 
「你幾時要清假呀?」   「妳幾時要清假呀?」
 
佢地對望住之後
 
「四月」  「二月」 估唔到佢地假期完結都差唔多
 
大家一齊再睇睇有幾多日假要清，一睇之下
 
「大鑊!!」  「大鑊!!」
 
「四日呀!」   「四日呀!!」
 
佢地兩個又對望住，然後立即打開電腦，睇下邊日請假去玩好




 
「而家我地畢業禮請一日，仲有三日….」
 
小祺指住聖誕節「請三日，放八日喎」
 
係小祺講緊果時，學翹已經係個system上申請左呢幾日，好快小祺都申請埋，不過佢地發現，原來有一個星期六佢地一齊返左工，所以仲要請多一日
 
於是佢地再一齊搵下有咩做好
 
當其時非常興去staycation，於是學翹提議去兩日一夜
 
「妳有冇地方想去先?」
 
其實小祺係好鍾意pooh，而且佢咁大個女只係去過幾次迪士尼，所以佢就提出去迪士尼staycation
 




不過一男一女唔係情侶關係咁去staycation，氣氛其實有少少尷尬。不過佢地既然都住埋一齊，去staycation又有咩問題?於是，佢地請左某一日星期五後，就上網揀迪士尼嘅酒店
 
探索冒險家酒店，佢地兩個同一時間揀中左呢間，當到訂房果時，又一個尷尬問題浮現
 
要一張KING SIZE床好丫，定係兩個單人床好呢?
 
佢地兩個都心大心細，不過大家心中嘅選擇都係一樣，大家想一齊瞓
 
「你揀啦」 「今次俾妳話事」
 
「點解呀?」「咁妳係女仔嘛」
 
小祺面紅紅「咁…..咁怕羞嘅事，我唔揀呀」
 
「咁呀…..兩張床囉」學翹有d無奈講




 
小祺聽到之後，有點不滿咁哦左一聲
 
有見及此，學翹都係揀返一張KING SIZE大床