係同屋室友?定係同居密友?: (S2)29. 特別證人

小祺行出證人欄，宣誓後坐低，開始接受控方盤問
 
「梁小姐，請問妳入職大學幾長時間?」  「今年3月到而家，大約半年」
 
「請問妳係唔係由UG開始就係呢間大學之中?」  「係」
 
「咁請問妳係成為職員前，有冇曾經見過及接觸過被告?」  「有」
 
「請問妳係咩情況下會接觸到被告?」  「係佢送化學品去我當時嘅lab時會接觸到」
 




「請問妳入職前對被告有冇印象?」   「冇」
 
「咁請問妳知唔知道整件事件發生前嘅事?」  「知道」
 
「麻煩妳再覆述一次」
 
小祺飲一飲水「當日大約4點半，我收到實驗室房號7139嘅RA打電話落黎，話我地同事送錯壓縮氣上去，問我地可唔可以儘快幫佢地更換」
 
「實驗室原先訂左咩氣?而又送錯左咩氣?」
 




「當日實驗室訂左Argon HP 200bar，而當日同事係送錯左Nitrogen HP 200bar上去」
 
「咁兩種氣調亂左，會有咩問題?」  「我唔清楚」
 
「當妳知道兩枝氣調轉左後，妳即時有咩行動補救?」
 
「我即時去Log book度睇係邊一位同事負責送氣裝氣」
 
「咁請問係邊位?佢係唔係庭內?」  「係」
 




「麻煩妳可以指示佢出黎嘛?」  「佢係被告」
 
「咁被告當刻有咩反應?有冇反對上去更換?」 「冇」
 
「請問點解?」  「因為佢已經提早放工」
 
「咁妳知唔知佢當 日會提早放工?」  「根據Schedule，當日冇同事申請早退」
 
「咁妳當刻有咩行動去補救?」  「我立即搵左苗學翹先生處理」
 
「咁同一時間係唔係有另一間房打黎求助?」  「係」
 
「請問係咩事?」  「都係送錯壓縮氣」
 
「咁兩個Job係唔係同一個同事，即係被告負責?」  「係」




 
「咁解決件事後，第二日早上，妳係部門總Office見到乜野?」
 
「當日我返到office放低飯盒後，就見到被告人入左經理房大約1小時左右」
 
「咁被告係經理房出黎時，情緒係點?」
 
「佢係怒氣沖沖咁出黎，離開時仲大力踢開辦公室嘅門」
 
「然後半小時後，妳就知道樓下發生暴力事件?」   「係」
 
「裁判官閣下，我完成提問」
 
「辯方大狀，請問有冇覆問特別證人?」  「有」
 




「梁小祺小姐，妳只係入職左半年，請問妳有幾了解妳部門?或者妳有幾了解供應部?」
 
「我係second落去前係聽過供應部唔少負面傳聞」
 
「咁有冇關於被告嘅傳聞?」  「我唔清楚」
 
「咁即係妳唔了解被告人?」  「係」
 
「依妳所講，妳唔了解被告人就出黎作證，會唔會受到傳聞所影響而對被告有負面印象?」
 
「唔會」
 
「點解唔會?」  「因為當我second落去果時，所眼見供應部，並唔係傳聞所講，反而佢地係一班非常專業，而且可以完成所以工作，係大學各實驗室嘅後盾」
 
「咁依妳所講，被告工作態度都係好專業?」  「唔係」




 
「咁妳而家又話供應部唔專業，咁係自相矛盾，裁判官閣下，我亦申請梁小姐為不誠實證人」
 
「裁判官閣下，反對!辯方妄下判斷」
 
「反對無效，請問證人妳可唔可以舉出例子證明被告唔專業例子」裁判官問小祺
 
正當辯方大狀認為已經擊破小祺供詞時，小祺作出一個好驚人嘅舉動
 
「裁判官閣下，我可以」