係同屋室友?定係同居密友?: (S2)27. 我係佢妹妹

大約五點半，學翹行到去Starbucks門口，其時學嬛已經係到等緊佢
 
「妳一陣呢…見到嘅野都唔好同阿叔阿嬸講，費事佢地問長問短」
 
學嬛覺得奇怪，個阿哥之前都唔會係咁樣，佢仲估緊阿哥有d咩不可告人嘅秘密，例如…佢係同性戀者?俾阿麻知道實搞到屋企永無寧日
 
「阿哥….你唔會收埋男朋友係屋企掛?」
 
學翹聽到自己個妹咁講，就以一面唔L係呀嘅眼神望返住佢
 




「OK…我好開通，冇所謂，你係1又好0都好，你始終都係我阿哥」
 
學翹反哂白眼「妳諗乜春野呀」
 
小祺企係廣場等學翹部車，果時佢仲係嬲爆爆咁
 
「Cleverly應該唔會一腳踏兩船掛?」
 
「我點知佢呀，果個女仔身材又唔差，我自己就….」小祺望住自己對小籠包
 




講返苗學嬛，佢有一把清爽短髮，白白皮膚同埋驕人身材，呢d都係遺傳自佢新加坡嘅媽咪，即係苗學翹個細嬸。簡單d咁講，苗學嬛就好似林明禎一般，中學時代，已經係校花一般，有大量男同學拜在佢石榴裙下，不過咁耐以黎，佢同小祺一樣，都係A0
 
打開車門「阿妹妳要坐後座」
 
「點解呀?!」「一陣會有同事坐前邊」
 
「叫佢坐後邊咪得囉」「呀….呢個…車頭係佢專用座位，妳聽阿哥話啦」
 
學嬛隱約覺得，一陣上車嘅人，唔會係普通人，一定同阿哥好close嘅人
 




Jimny仔徐徐駛出停車場，差唔多去到廣場果時，學翹透過車內大銀幕，已經見到小祺充滿煞氣咁企係到
 
停左車後，小祺上到車時，仍然未發現學嬛嘅存在
 
學嬛見到小祺上車後，所有野都立即清楚明白哂
 
「妳好呀姐姐」學嬛係後座伸佢個頭出黎同小祺打招呼
 
小祺望一望學嬛，再望學翹心諗「你咁大膽叫個第三者上車!?」
 
學翹快小祺一步鎖實車門
 
「姐姐妳好呀，我係Marni，苗學嬛」
 
「哦….?妳姓苗?」




 
「係呀，苗學雯係我堂姊，呢個直男係我堂哥」
 
小祺腦中所有疑慮立即消散，佢一直忘記左學翹個妹而家係佢地大學到讀書，而且仲住hall
 
「妳好呀，我係妳阿哥嘅同事兼室友，我叫Suki，梁小祺」「室….室友?」
 
小祺點一點頭「我同妳阿哥一齊住」
 
然後學嬛以一個好興奮嘅眼神望住學翹「犀利啊」
 
「點呀?衰妹妳想去邊度食呀?」「唔係去你屋企咩?」
 
「點解我要俾妳上宿舍呀?」「呵!我而家打電話俾爸爸先…」
 




「得啦得啦!!!食完野再上去啦」
 
學翹然後車住學嬛同小祺去酒樓食飯
 
沿途佢地兩個有講有笑
 
「哦，即係我係最遲果個先知啦，阿哥你好野呀，怪唔得話唔俾我去你到住啦」
 
「喂，妳又唔係日日九半，去我到住做咩呀，而且我返工出門口果時，妳都未瞓醒，又要我煮埋妳飯，幫妳洗衫，呢d咁痛苦嘅事，我邊會咁蠢跳入火坑呀」
 
不過過左今晚之後，學翹都預計個妹會成日去宿舍搵佢。呢個妹由細到大都好鍾意痴實個阿哥