係同屋室友?定係同居密友?: (S2)25. 6ixty 8ight

68試身室內，小祺望住鏡中嘅自己
 
著起黑色喱士半透底褲同胸圍，仲有粉紅色、白色
 
「最誘人都係黑色，有神秘感」Rachel係試身室內講
 
「加埋件睡袍，一流!」
 
小祺好尷尬咁講「妳以前都係咁架?同男朋友…」
 




「佢地鍾意我著黑絲、仲有LD裙，有時會著空姐裝」
 
「妳地連制服誘惑都玩埋呀?」
 
「男人呢，係一種好簡單嘅動物黎，妳今晚著住呢幾套，包妳同佢大戰幾場都得」
 
「痴線啦….第一次咁痛….點會幾場…」小祺心中有少少期待
 
「妳睇妳丫，幾咁期待丫」
 




「咩喎….咁我都想試下咩感覺嘛…..之前都係自己用手….」
 
「洗唔洗帶妳買埋按摩器添呀?」
 
「我先冇妳咁變態呀!!!!」不過如果有錢嘅話，小祺都可能會買黎試下
 
買完68嘅野，佢地行去搭車時，經過一間買毛冷嘅舖頭
 
「喂喂，我仲有要買呀」
 




Rachel抬頭望一望舖名，然後露出一個微笑
 
「整溫暖牌俾人地呀，咁甜蜜呀?」
 
小祺入到店內揀冷
 
「白色?好易污槽喎」小祺自言自語
 
「不如灰色啦，冬天啱用」「難道妳會係夏天用頸巾架咩?」
 
當小祺買完冷後，佢同Rachel去到佐丹奴到買野
 
小祺去到店內就一個箭步去男裝內褲到拎左兩包L碼灰色後去Cashier俾錢
 
「妳幫佢買底褲呀?」




 
「咁佢d底褲又殘又舊又穿窿，我咪幫佢買新嘅囉」
 
「妳真係24孝女朋友啦」
 
小祺同Rachel去到地鐵站後，已經遠遠見到學翹部Jimny仔
 
佢地兩個女仔道別後，小祺走上車上
 
學翹仍然係車上睇書
 
「買齊野未呀?」「買哂啦」
 
「好少可見妳會出街買野」「咩喎，買下野都得者」
 




學翹眼角睇一睇小祺個袋，就知佢買左咩
 
小祺見到學翹係到偷笑，就問返佢咩事
 
「妳入左新貨呀?定係覺得自己大個女啦?」「咩…咩野呀?」
 
「無啦啦趁68減價時掃bra同底褲呀?」「你…你點知架!!」
 
「喂妳拎住個68嘅袋，係人都知啦」
 
小祺面紅紅咁抗議「咩喎，咁我d胸圍都舊啦嘛….咪換過d囉，你d底褲都會換啦!!你有幾條穿埋窿啦，我幫你扔左」
 
「怪不得我好似少左幾條底褲咁啦」
 
然後小祺係袋到拎出兩袋新底褲




 
「幫你買埋啦，你睇我對你幾好」「咁妳又俾我睇下妳買左d咩款?」
 
「喂呀!!!渣車啦你!!!返到屋企先啦!!!!」「唔制呀!!!我要知道係咩款式呀!!!」
 
「洗衫果陣你咪會見到囉!!!!!」「我要睇住妳著」
 
「死變態佬」小祺笑住咁講
 
因為小祺買左新嘅胸圍底褲，而學翹又有一打新底褲，所以佢地將所有野入哂網袋之中，再扔入洗衣機
 
「嘩!妳做咩咁戰鬥格呀?買呢D款式嘅?著俾邊個睇呀?」學翹晾衫時講
 
「咩呀…Rachel同我一齊買，佢揀架…反正有折」
 




「Rachel著呢d呀….唔….」
 
小祺望到學翹個樣後，非常不滿
 
「做咩呀!?你睇中佢呀?」「當然唔係啦，只不過係有人睇中佢者」
 
「邊個邊個?快d講我知!!!!」「妳點會唔知呀….」
 
「我點會知呀」「Rachel個lab有咩人我係識?」
 
「Rachel個lab呀….咪….Vincent?」「妳終於都開竅啦」

「你講真架?Vincent想追Rachel?」
 
「以我所知就係囉，有時Rachel太夜嘅話，會去Vincent宿舍到瞓」
 
小祺個腦不停load「點解我唔知嘅?」
 
「妳個腦全部都係工作同溫書，妳點會知丫。如果有男仔追妳妳都唔知啦」
 
「我唔係唔知，係我唔鍾意佢地者」小祺自己心中暗暗講
 
………..