係同屋室友?定係同居密友?: (S2)20. 暗示主權

Connie見到呢一幕，佢就係電話到Wts小祺「妳張Staff card係我到呀」
 
小祺睇一睇電話，抬頭望住Connie，小祺知道，佢同學翹同居嘅秘密穿左煲了
 
然後Connie再send msg「放心啦，我唔會同人地講嘅」
 
小祺就回返個雙手合十嘅emoji俾Connie
 
小祺去洗手間時，Connie都陪佢一齊去，係女洗手間內，Connie將Staff card同Residential card交返俾小祺
 




「下次小心d啦，唔係個個都好似我咁架」
 
「麻煩哂妳啦，妳係邊到搵到架?」
 
「係妳老公個車頭到搵到囉」
 
「老公?其實我同佢未結婚….只不過係….」
 
「我明嘅，同居嘛，而家成個Dept只有我同老闆同穎雯會知，應該Roy都知」
 




「穎雯都會知?」
 
「佢同Cleverly係同學，點會唔知呀，不過呢，妳首先要打消Leo念頭先喎」
 
小祺唔明白咩意思
 
「下?明眼人一睇就睇得出，Leo想追妳啦」Connie反一反白眼
 
「咁…我要點呀?」
 




「既然妳男朋友係妳身邊，妳咪暗示下囉」
 
「暗示呀….我唔想咁高調」
 
「明嘅明嘅，我地幫下妳啦」
 
「點…點幫呀…」
 
「等我地黎啦」
 
出到去，準備上第三道菜，片皮鴨
 
一埋到位，Leo就想幫小祺夾鴨，但係俾學翹快左一步
 
早陣子，學翹已經幫幾個女同事包好幾份鴨，所以順理成章幫小祺包埋




 
Leo開始覺得學翹係有心阻佢，而且小祺每日有一半時間係落左去供應部，所以佢地有時間相處
 
終於到左海鮮時間，蟶子、薑蔥蟹、炒蜆、芝士龍蝦、東星班、粉絲扇貝等等陸續上檯
 
小祺因為身高關係，佢係好辛苦先夾到餸，正當Leo等幫佢手果時，坐係對面嘅Connie開口
 
「喂Leo，你唔可以幫哂Suki喎，佢有Cleverly照顧得架啦」
 
Leo望一望Suki
 
「你唔洗咁照顧我架，我自己夾到野食」小祺好有禮貌咁回覆
 
成個檸檬放到自己面前，Leo都好識趣，減少幫小祺夾野
 




小祺夾龍蝦時，幫學翹夾埋
 
呢一幕，所有同檯同學都收入眼中
 
「妳做乜夾隻鉗俾我呀?妳個碗就係尾果d肉」
 
「你幫我開囉」
 
「幫妳開?之後我食殼呀?」
 
學翹口中說不，身體丫很誠實，佢幫小祺拆開哂隻龍蝦鉗、蟹鉗、仲有蟶子、蜆d肉
 
而同一時間，小祺都拆開哂龍蝦尾d肉後，分一半俾學翹
 
「唔好話我唔照顧你啦，平手啦」




 
檯中有一d同事開始明白點解Connie叫Leo唔洗幫Suki，因為人地已經名花有主，仲要坐係同檯之中
 
忽然有同事講「唔洗灰心Leo，天涯何處無芳草，留得青山在，哪怕冇咸書」
 
Leo一面無奈咁以笑回應，佢估唔到正想出擊之時，小祺已經俾人追走左
 
今晚晚宴不設抽獎，因為抽獎係會留係聖誕果次聚餐先會舉行
 
大老細開始每檯出黎敬酒，但係有一個規矩，就係要渣車嘅唔準飲酒
 
所以學翹又避過一劫
 
大家開始四處浮動傾計，此時，吳教授過到黎小祺身邊
 




「Suki」
 
「係!」小祺有d緊張咁回應
 
「妳嘅情況，我大致上都知，妳係咪一次過交哂diploma學費?」
 
「呀…係呀」
 
「得，妳張收據下星期拎黎俾我，我幫妳俾錢」
 
「多..多謝老闆!!!」小祺聽到非常開心
 
吳教授望住學翹「至於你呢Cleverly」
 
「係」
 
「好好地照顧Suki ok?佢而家同你…你明啦」
 
「我明」
 
「唔洗緊張，我冇咩所謂嘅，只要唔影響工作就可以」
 
睇黎好快成個部門都知道佢地兩個同居嘅事了