係同屋室友?定係同居密友?: (S2)19. 追求者

俗語有云：瘦田冇人耕，耕開有人爭
 
如今梁小祺自己都唔知發生咩事，可能係今年紅鸞星動，除左自己中學同學之外，其實大學內都有人追小祺，但唔包括學翹
 
明眼人見到都知道，係小祺比較遲鈍唔知，佢地自己安全組入邊有一個同小祺同期入黎嘅男仔，叫Leo，就係因為同小祺同期，所以佢地兩個比較熟絡，而且之前佢地間唔中都一齊搭校巴返學，只係小祺同佢講搬左屋，所以冇搭校巴
 
既然今晚老闆話未結婚嘅坐埋一檯， Leo自自然然唔會放過呢個大好機會，佢好快去小祺隔離，不過小祺其實已經芳心暗許
 
「開席!!!!!!」老闆吳教授一向唔多講廢話，食野最實際
 




第一道菜，乳豬全體。喂，雖然話食海鮮者，但係乳豬全體就一定要有嘅
 
席上，Leo借故幫小祺夾野食，聚同事見到呢一個場面，大家都OOOO左出黎，搞到小祺有少少尷尬
 
學翹就坐係小祺身邊食花生暗笑，大老細就係自己果檯開心飲酒「哈，我叫班未結婚嘅坐埋一齊真係冇錯，佢地玩得好開心」
 
「老闆你又想推幾Pair人出黎呀?」
 
「有咩所謂，大家開心就得」
 




小祺見Leo咁照顧佢自己，顯得不知所措，加上有同事係到推波助爛，令到Leo都想進取少少
 
「呀…Leo呀…我自己夾得啦，你唔洗咁照顧我」
 
「有咩所謂呢?大家互助照顧下嘛」
 
既然佢咁講，小祺都唔知點解樣拒絕好，於是乎，佢係檯底踢左學翹一腳
 
學翹當然feel到小祺嘅求助，不過佢又唔想咁高調
 




小祺再一次俾眼神學翹，於是，學翹就決定幫下佢
 
「Leo幫我夾一夾乳豬丫喂」
 
Leo聽到學翹咁講，本應想拒絕，但係佢頭先又話幫下同事冇所謂，所以佢就好唔情願咁幫手
 
學翹俾左個眼神穎雯，佢地果然係相識得耐，一個眼神就知對方諗乜，佢地用獨特嘅眼神黎溝通，大致上穎雯好早知道學翹同小祺關係唔止同事咁簡單，不過識趣嘅佢自己唔會爆響口
 
到左白焯蝦上檯，呢一道餸大家都應該知道，係要用手搣蝦殼，所以對一眾女士黎講，係比較麻煩。在場所有女士都唔想用手剥蝦殼，包括小祺。所以眾男士發揮紳士風度嘅時間到啦
 
Connie拎起隻碟，遞向Leo
 
「Connie妳做咩呀?」Leo問
 
「又係你話照顧下同事嘅?你只係幫Suki架咋?咁偏心架!!!」




 
Leo騎虎難下，所以幫Connie同埋一眾女同事搣蝦殼
 
Connie俾個眼色學翹，果一刻學翹終於知道，自己同小祺嘅秘密應該守唔住，有同事已經將佢同小祺當做一對
 
係咁嘅情況之下，小祺又尷尬唔知點拒絕Leo好，所以學翹就諗辦法
 
正當Leo幫其他女同事剥蝦殼果時，學翹都同步係到剥，不過佢唔係剥俾小祺，而係剥俾自己
 
小祺望住學翹食蝦，佢自己都好想食。坐小祺對面嘅Connie好識趣咁幫小祺一下
 
「喂Cleverly，你自己食得架啦，唔洗理Suki架你?」
 
Connie咁樣講，Leo立即望一望小祺
 




「妳想食呀?」學翹問下小祺
 
「你話呢?冇d風度」
 
「自己拎啦」
 
小祺係學翹隻碗夾走，呀，應該係倒走哂d蝦自己食
 
「喂喂喂，妳拎走哂我d蝦，我食咩呀?」
 
小祺係佢個碗到拎返一d出黎俾學翹
 
「算妳醒目」