係同屋室友?定係同居密友?: (S2)18. 老闆的安排

小祺今日係學校中不停搵佢個袋，佢發現唔見左D野，不過係職員證而已，而且佢尋晚肯定有拎返宿舍
 
「Suki妳搵咩呀?」
 
「我張staff card囉，明明尋晚仲係袋到，我想去starbucks買少少野」
 
「買咩呀，一齊落去咪得囉」
 
「但係….呀…」
 




「行啦」
 
小祺同Connie一齊行去學校嘅Starbucks時候，Connie覺得奇怪，因為小祺係好少可會飲Starbucks
 
「一杯grande hot skimmed milk cappuccino，一杯grande hot signature chocolate唔該，拎走 」
 
「Suki飲咖啡架咩?點解買朱古力外仲買咖啡?」Connie留意到小祺同平時唔一樣

小祺用starbucks apps掃一掃qr code俾錢
 




「佢仲有apps?唔正常唔正常」
 
佢地兩個各自拎野飲離開
 
「呀，我返去樓下啦，今晚見啦」
 
Connie同小祺分開之後，冇立即返去總部，而係遠距離跟住小祺，同時亦有個女同事一齊行動，因為Connie係wts group到通知左其他女同事
 
佢地跟住小祺去供應部，望住小祺入去，之後係供應部門口嘅窗望一望，見到小祺轉入學翹個位後，佢地就立即走返去總部
 




「拍拖?似唔似呀?」Connie講
 
「似啦，佢地兩個嘅飯盒帶嘅野係一樣，每日一齊返學同食早餐，一齊放工，仲一齊出去市區，而且佢地仲一齊擁有disney+同netflix account」穎雯係總部坐低講
 
「估下今晚佢會唔會坐學翹部車，同埋坐佢隔離咪知囉」
 
臨近放工，大家都準備好準時離開，然後向西頁出發
 
有車嘅同事一堆人咁去攞車，小祺自自然然係跟學翹車，但係佢又唔想行咁遠，所以就係廣場到等
 
與此同時，Connie同穎雯已經一早係廣場伏擊小祺，當小祺一出現果時佢地就行去佢身邊
 
「喂Suki!!」
 
小祺被兩個同事突如其來一叫，顯得不知所措




 
「咦….下…呀…妳地唔係坐車去咩?」
 
「冇人車我地去呀，妳係到等車?」
 
「呀…係呀…」
 
「咁一齊有冇問題?」
 
「呀…」
 
「妳唔係等d趕絕外母型嘅車掛?」
 
係小祺諗緊點答果時，學翹部Jimny仔已到
 




「妳地冇車去咩?」
 
「冇呀?你車埋我地?」穎雯望入車中講
 
「上車啦」
 
由於Jimny後座比較窄，所以適合細粒嘅女仔坐。係呢個時候，小祺同穎雯坐係後座
 
前座嘅Connie一上車，就見到有張Staff cards係車頭個位地下，佢拎走想俾返學翹果時，佢發現果張Staff cards唔係屬於學翹，果一張，係小祺張staff card，佢再睇清楚D，就發現入邊唔止小祺張staff card
 
去到西貢後，大家入到餐廳內，由於Roy係兼任，所以佢自然係總部到會有一個位。學翹佢地供應部就本來12人，但扣減左小祺同Roy後，就只有10個
 
正好總部到有突出兩個人，所以佢地就猜邊個過去供應部果邊坐
 
小祺望到學翹身邊有位，於是，佢就自已起身過去，其他人見到小祺起身，不免會問




 
「Suki妳過去佢地果邊?」
 
「係呀，我有一半係果邊架嘛」
 
「妳唔係話過佢地麻煩架咩?」
 
正當小祺想解釋果時，大老細出聲了
 
「好啦各位同事，我地今日有個小小嘅安排，我相信大家都可以配合架啦。未結婚嘅同事麻煩請坐一圍」
 
大家唔明白老闆點解咁安排，但係大家都好願意，未結婚嘅會比較易傾計多D。果然一眾已婚同事傾得非常高興
 
小祺同學翹都係屬於未婚，所以佢地就去左未婚果檯，而且，佢地兩個因為本能反應，兩個人自動坐埋一齊