係同屋室友?定係同居密友?: (S2)17. 部門聚餐

當Rachel落左車後，小祺先問學翹剛先相睇嘅事
 
「你好似仲未驚完喎」
 
「嘩!妳有冇見到個村姑架?點會唔驚」
 
「人地著得老土d者，做乜話人地係村姑呀?」
 
「咁佢真係農村出黎架嘛」
 




「你好衰呀」
 
「咁妳又無啦啦出黎做咩呀?」
 
小祺俾學翹問一問後，立即心虛
 
「下….我出黎陪Rachel行下街之嘛…有咩問題?」
 
「點解要出到黎尖沙咀呢?」
 




「呢到多野睇丫嘛…做咩喎」
 
「平時問妳出唔出去行街，妳都話冇興趣架喎，今日妳點會突然間又會有興趣呢?係呢個完全冇合理原因之下，所以我覺得妳係想見下村姑嘅，係唔係?」
 
小祺見到佢嘅目的俾學翹拆穿左，唯有死死地氣認。估唔到學翹嘅分析能力同辯才都不下於佢姐夫
 
「點呀被告?」
 
「咁…認囉，我係八掛想見下你個相睇對象」
 




「妳做咩咁緊張呀?」
 
「咁…我怕你俾人迷住左嘛，你之前又話同我結婚…」
 
「我地拖都未拍喎」
 
「咪結左婚先拍囉」小祺笑笑口咁講
 
「原來妳係肉食系女子，非常主動」
 
「咩肉食系呀!!!你而家金屋藏嬌添啦」小祺反駁
 
「呀….講起金屋藏嬌，原來姐夫家姐一早知妳同我一齊住」
 
「下?佢地點知架」




 
「應該有一晚我去地鐵站接妳返宿舍，然後俾姐夫見到」
 
「咁家姐有咩講呀?」
 
「家姐未踢爆我住嘅….」
 
「咁佢頭先又唔幫你解釋嘅?」
 
「可能佢要親眼視察過先掛」
 
返到宿舍，佢地先沖涼後開洗衣機，然後學翹將d野食放好
 
「嘩!你大魚大肉呀?叉燒、燒肉、榣柱節瓜脯、芝士龍蝦….咩話!?鮑魚?，仲有炒麵炒飯」
 




「我地年青人果檯次次都食唔哂，所以我一定會打包返黎」
 
小祺望住d野食「星期一晏就帶埋飯都仲得」
 
「妳想唔想?」
 
小祺點一點頭
 
「咁入起佢地星期一帶飯啦」
 
小祺應該係第一次食咁豐富嘅午餐
 
星期一午餐時，小祺個飯盒引黎好多人睇，因為d野真係好豐富
 
「嘩!小祺妳屋企前幾晚做節呀?」




 
「係呀」
 
「睇黎妳屋企都好多人喎，妳睇妳d餸」
 
「妳地食唔食?我應該食唔哂」
 
「食!」說罷有幾個同事就一齊加餸
 
Roy經過小祺身邊時細聲講
 
「喂下次呢….妳地拎d過黎我到啦」
 
「下…你又要?」
 




「星期六妳唔係去左學翹果邊食飯咩?」
 
估唔到，Roy已經當佢地兩個係一對，所以小祺連解釋都懶得解釋
 
或者，可能佢自己都想同學翹成為一對
 
小祺輕聲同Roy講
 
「不如下次留埋俾你?」
 
「成交!如果下次妳地叫HKTV Mall，最好幫我收埋貨」
 
「冇問題」
 
然後Roy遞張紙俾小祺
 
「咩黎架?」
 
「中秋節大老細請食飯，睇下邊個會去，下邊就交俾妳問啦」
 
「我睇睇先……」
 
小祺個大老細請食飯一d都唔手軟，因為學校每年每個員工都有1000蚊食飯基金，但係唔可以累積去下一年同兌現，所以每年好多部門都會用呢筆錢去同d同事一齊食飯。
 
今次佢地部門揀左晚飯食海鮮，小祺就係負責統計樓下分部
 
係香港食海鮮，有幾個出名嘅地方，屯門三聖、鯉魚門、西貢、布袋澳等等，不過今次係大學部門聚餐，所以佢地揀左西貢，因為方便泊車同餐廳比較大
 
當老闆問大家意見時，大家都冇咩反對，因為唔係自己俾錢