係同屋室友?定係同居密友?: (S2)16. 成功逃脫

苗老太同村姑係地面等車，佢地兩個仲傾緊
 
「呢幾日玩得開心D呀，我叫孫仔周圍帶妳見識下」
 
「多謝麻麻」
 
佢地一家人嘅車徐徐駛出停車場，學翹將部車泊低，而小祺同Rachel亦係遠距離行過黎
 
苗老太見學翹停左部車同落車，就同村姑過去
 




「學翹，你車阿娟去你度，聽日車佢周圍去玩」
 
「下?阿麻，我唔得閒喎」
 
「呀你有咩做者，返到去咪又係瞓覺」
 
「佢自己冇屋企咩?」
 
「你叫人咁夜返上福田呀?帶佢去你到，然後聽日車佢去玩，黎!上車!」
 




「阿麻，我而家仲要返學校做實驗喎，今晚做到好夜」
 
「做個實驗要做幾耐者」
 
「最快都做到12點半」
 
「咁你帶埋佢去囉」
 
「當然唔得啦!夜晚入大學要學生證或者職員證，佢兩樣都冇，點入」
 




「咁你唔好做囉」
 
「老細叫到，唔可以唔做」
 
「咁你落車做咩呀?」
 
「我都要接同事架」
 
「你叫人一個女仔去邊呀?咁夜」
 
學翹反一反白眼「又唔係我叫佢黎嘅，我冇責任收留佢喎」
 
「哎呀~你咁架學翹，我地專登介紹女仔俾你識架」
 
「我都冇要求過」




 
係等車果時，卓凝同卓賢兩個周圍望走圍走，然後噗一下，卓凝撞中一個姐姐
 
「卓凝，同姐姐講對唔住啦」
 
「對唔住姐姐，咦?」
 
「做咩事呀卓凝」
 
「小祺姐姐」卓凝認出左小祺
 
學雯望一望，真係自己個「弟婦」喎
 
「妳好呀小祺，做咩妳會係到嘅?」
 




小祺估唔到會撞到學翹屋企人，唔通同人地講，出黎睇下學翹個相睇對象咩
 
「姐姐妳係咪黎睇舅父個相睇對象架?」
 
估唔到一個四年級小妹妹，一眼就睇穿佢內心，搞到小祺唔知點答
 
「呀…即係呢…我就…就有d事，咁所以呢….」
 
學雯行近d小祺「我知道妳而家住邊架啦，妳地俾我先生見到」
 
「咁呢…即係….呀…」
 
「妳而家出現都算拯救我細佬啦，拿睇下果邊，果個老人家係我地麻麻，佢身邊果個村姑就係姑姐介紹嘅對象，妳準備好拯救我細佬未呀?」
 
Rachel仲係到笑緊果時，卓凝已經提前行動




 
「舅父!!!!小祺姐姐黎左啦!!!!快d車人返學校啦你」
 
卓凝咁樣一叫，苗老太同村姑都望過黎，一望，就見到Rachel同拖住卓凝嘅小祺，而佢地三個都同樣著住Biochem嘅soc褸，所以苗老太就相信學翹係返學校
 
「哎呀~估唔到佢真係要做實驗，一係下次先再黎玩啦」
 
「知道麻麻」
 
卓凝捉住兩個姐姐走到去學翹部車到
 
「拜拜姐姐」
 
「拜拜卓凝卓賢」
 




小祺同Rachel上車後，小祺依習慣坐車頭
 
佢地關車門後卓凝先講
 
「點解小祺姐姐唔係坐後邊嘅?」
 
卓凝咁樣講一講，學翹其他屋企人立時覺得小祺唔係學翹同事咁簡單，唯獨係苗老太同村姑聽唔出
 
「下次11月，妳再黎同我地食飯，我一定要叫個孫仔帶妳周圍去玩，妳返去問定屋企想要幾多禮金，到時再慢慢傾，順便睇定酒席」
 
「知道麻麻」
 
「大家一家人，唔洗咁客氣」