係同屋室友?定係同居密友?: (S2)10. 同學會後續

「阿哥呀!!!」苗學嬛對住電話對面嘅哥哥大叫
 
「聾啦!!!!做咩事呀?」
 
「我考入左你間大學呀!!!!犀利呢?」
 
「有幾犀利呀?妳入到dean list先同我講妳犀利啦」
 
「我打算住hall喎」
 




「咁係咪代表我學校d student hall會爆炸呀?」
 
「哋屎啦你!!!!」
 
坐係學翹身邊嘅小祺，俾呢兩兄妹嘅對話笑到流哂眼水，佢估唔到學翹個妹係咁傻，傻得可愛
 
收線後，小祺先問學翹
 
「你個妹讀咩dept呀?」
 




「佢讀文科，佢揀左語文系，將來應該讀埋pgde後去教書」
 
「咁佢唔直接入教院?」
 
「都係讀大學好d，佢副修唔知….好似History…」
 
「估唔到你個妹同你一樣咁痴線」
 
「妳又知我讀咩?」
 




「你Major biochem，minor係chem嘛」
 
「咁都瞞妳唔到，睇黎我一世都走唔出妳五指山」
 
小祺聽到學翹咁講就面紅紅「咩喎，家陣我有話同你拍拖結婚咩?」
 
「乜唔係架?」
 
「你都冇d誠意追我」
 
自從上一次偷吻之後，小祺同學翹關係明顯係close左。係學校，佢地兩個好少交流，只係保持同事關係嘅距離，但係一返到宿舍，小祺就好似小鳥伊人咁痴實學翹，佢地呢一種關係，應該叫曖昧
 
「唔講啦，妳係咪肯定準備好哂下星期嘅野架?」
 
「係呀，星期一返到去肯定夠氣同液氮俾人」




 
冇錯，今日係星期四，而家係下晝，天文台係下晝三點宣怖改掛8號風球，於是佢地兩個係Lunch時間已經出左去市區食飯同買埋餸
 
「又打風」小祺攬住鯊田友講
 
「即係代表我地又可以hea返幾日」
 
「今晚妳想食咩呀?」
 
「冇理由8號風球出去食飯掛?」
 
「得啦，今晚打邊爐」
 
呢兩個人係宿舍真係懶到一個點
 




開好檯，拎哂肥牛之類出黎，兩個人食得好開心
 
學翹對小祺d同學有d八掛
 
「喂，上次夾妳飲酒果d同學最後點呀?」
 
小祺拎部電話出黎睇返record「有幾pair人出現左囉，都係飲完酒無耐就公開」
 
「咁妳暗戀果個校草呢?」
 
「做咩無啦啦提起佢呀?」
 
「我想知道者，妳暗戀左佢咁多年」
 
「呵，你呷醋呀?」小祺係到潤學翹




 
「少少咁啦」
 
聽到有人呷醋，小祺咀角失守，佢笑得好甜
 
「佢果晚飲左酒，渣唔到車，同班花一齊上左酒店房，之後我就唔清楚啦」
 
兩個懶人打完邊爐後冇咩野做，睇住外邊大風大雨，懶惰指數爆燈
 
佢地坐係梳化上睇戲，小祺而家慣左坐學翹身邊時，會雙手撓實對方，有時仲挨個頭埋去
 
「係喎，你個妹會唔會黎呢到住架?」
 
「佢都話住hall啦，點會黎打搞我地呢」
 




小祺聽到學翹咁講「打搞我地」心中諗到，佢地會唔會已經係拍緊拖，隨時會有親密行為
 
「咁如果…佢上黎見到我咁點算…我地又一齊瞓埋同一張床」
 
「咁呀…唔…妳做住佢阿嫂先囉」
 
「真係?」
 
「反正妳爭我學債，免禮金結婚當平手囉」
 
「呵呵，你就想啦你，發夢啦」
 
當天晚上，學翹仍然從背後攬住小祺瞓，佢地關係到呢一刻，仍然未確定。似乎真係需要d外力黎推一推佢地兩個