係同屋室友?定係同居密友?: 59. 女同事開會

由於前一晚學翹佢冇煮飯，所以今日小祺就同同事落canteen食飯，期間佢部新電話俾同事發現左
 
「嘩Suki!妳咁富貴呀?換左部最新I phone」
 
「下…我部舊機由UG時代用到而家，係時間換啦，而且都有少少壞」
 
係眾多同事之中，Connie亦有同佢地落去食飯，所以佢就借故問小祺
 
「尋晚妳就係買左呢部呀?」
 




「係呀」
 
「幾多錢呀?我都想換一換機」有其他同事問小祺
 
不過小祺又點會知道幾錢，因為成個Plan同換機都係學翹出錢，小祺只係負責用
 
「我都唔太記得啦，我係上台出機」
 
「妳上台出機都可以唔記得價錢嘅?」
 




「呀…」小祺呢一下真係解釋唔到
 
「因為我Join嘅係家庭plan，同朋友夾，電話都係……所以我唔太清楚」小祺細細聲解釋
 
「家庭Plan?Suki妳有男朋友咩?通常join得嘅都係….」
 
「冇冇冇，真係朋友黎咋」
 
「只不過係住埋一齊同埋唔知點解瞓係同一張床上咁解」小祺自己諗
 




坐埋一邊嘅Connie，心中盤算緊佢尋晚見到嘅事
 
期間，佢地都見到冇帶飯嘅學翹路過，幾個女同事都見佢拎住新電話
 
「果個係咪樓下嘅學翹呀?」
 
「係喎，咦，佢又換左新電話喎」
 
小祺聽到後就心虛左一下，而呢一下心虛，正正俾Connie同穎雯見到
 
佢地兩個對望一下，俾個眼色對方
 
原來穎雯亦一早覺得有問題，午飯時間過後，小祺返左去供應部，而Connie同穎雯就係總部到交換情報
 
「妳見到咩?」




 
「尋晚見到Suki係商場睇電話，我以為佢一個人，傾傾下計果時，學翹就出現左，之後Suki就同佢一齊落去停車場攞車」
 
「停車場….Suki好似住西灣河架喎，學翹住宿舍，點樣Suki都應該搭地鐵啦」
 
「係囉，佢竟然唔係搭地鐵咁奇怪」
 
「學翹我記得佢就住九龍，點都唔會順路車Suki返屋企」
 
穎雯又諗一諗「唔係喎，而家佢住宿舍架喎」
 
佢地兩個不停咁諗，然後另一個女同事見佢地好似有煩惱咁，所以就走過黎
 
「妳地傾咩傾到咁入神呀?」Amy行到佢地兩個身邊
 




「咦，妳好似住柴灣架喎」
 
「係呀，做咩呀?」
 
「妳同Suki都係搭校巴返放學?」Connie問
 
「之前係囉」
 
「之前?」
 
「Suki佢成個幾月冇搭校巴啦，返放學都係」
 
「佢唔係會幫朋友做research咩，放工後上lab唔奇，不過返學都唔搭就怪左d」
 
而係呢個時候，有其他同事加把口埋黎




 
「遘緊Suki?」
 
「係呀」
 
「近排我成日都見佢同學翹一齊食早餐喎」
 
「係邊度食先」
 
「樓下canteen囉，仲有邊者」
 
「樓下canteen?如果Suki搭校巴嘅話，就一定冇可能返學校食早餐喎」
 
一眾同事開始用佢地個腦諗野，然後list左張清單出黎
 




「一齊換電話、食早餐、Suki冇搭校巴之謎」
 
「仲有冇?」
 
「飯盒!Suki呢個月佢個飯盒好豐富」
 
一個比較資深嘅員工行過，正正係Christina
 
「嘩!妳地成班圍埋係pantry開咩大會呀?又有咩野八呀?」
 
「哦大姐，我地見Suki換左部新電話」
 
「咁妳地咪問佢借黎睇囉唏~」
 
「但係仲有其他野喎」
 
「例如呢?佢成個月冇搭校巴返放學，最近成日都係聰明仔身邊」
 
「咁暫時佢second落去，有咩問題呀?」
 
「問題係佢地一齊換電話，仲每日都一齊食早餐，而且我地成日都見到Suki等埋聰明仔車，佢地會唔會….」
 
「Suki住西灣河喎，聰明仔住宿舍，點都唔順路喎」
 
「仲有喎，Suki最近個飯盒好豐富，皮膚仲好似靚左，唔…..」
 
「大姐妳覺得佢地兩個會唔會….」
 
「咁樓下得佢地兩個未結婚，好奇咩，夠鐘開工啦，呢d野遲d再傾」
 
係Christina一聲令下，大家都好快返去自己坐到專心工作
 
係房中嘅大姐，心中諗嘅野同佢地一樣，因為自己無意間都見過佢地一齊買餸
 
「同居?」Christina諗到咁樣，不過而家社會風氣唔同，男女同居好正常，只要佢地唔影響到工作，就冇咩所謂
 
「後生真好啊」講完後，Christina繼續做自己野
 
只不過，佢冇諗到嘅係，學翹同小祺並唔係男女朋友關係地同居