係同屋室友?定係同居密友?: 53. 實習工作

今日小祺繼續著住佢嘅招牌黑色牛仔褲，一件剩色T shirt，唔平日唔同嘅係，佢仲著左lab coat同埋工鞋，佢仲戴埋eye goggle
 
今日Roy有指示，想小祺學埋operation嘅野，而小祺一直都非常好學，所以Roy就assign左最資深嘅Alvin去教小祺
 
小祺之前係氣樽倉外望過入去，但係自己今日就真係第一次入去。到而家小祺先知，自己係矮過d壓縮氣樽
 
「妳試下拎一樣氣出黎睇睇」Alvin企係小祺身後
 
小祺戴上手套，解開氣樽排嘅安全鐵鍊，再將架運氣樽車推到排口，然後碌枝氣出黎。當然呢個係一個正常SOP，不過由於小祺係女仔，而且比較矮嘅關係，佢顧到架車，就顧唔到枝氣，果個場面都幾狼狽下，於是Alvin就出手相助
 




佢幫小祺將枝氣放上車上，扣好鐵鍊後就示意小祺將枝氣推出仔樽倉
 
今日小祺終於知道平日d師傅同TO做野有幾攰，怪不得佢地想多少少時間休息，即使有車仔幫手，小祺都要用力先可以將枝氣連車仔推上斜台再推出倉外，係呢一個動作佢都差d連人帶車碌走，如果唔係有師傅係到傍住，分分鐘出意外都似
 
師傅同Alvin帶住小祺去到dept of Biology果到，再用佢地張staff card開門，然後帶小祺到要換壓縮氣嘅地方，果到係一個CO2 incubator嘅地方，CO2就響個櫃入邊，而個櫃就有一級要上
 
「你地平時會點樣換呀?」
 
Alvin首先示範一次安全做法，首先佢開櫃門，拆左氣錶，將CO2 incubator所連接嘅氣switch去第二枝到，咁樣就唔會斷氣
 




然後師傅解開車上嘅安全鐵鍊，將枝新氣碌去安全地方，再將架「吉」車平台騎入櫃內，而Alvin就碌枝舊氣出黎
 
同樣地，舊氣碌到安全地方，將枝新氣碌上車，再放入櫃內，駁上氣錶後將舊氣碌上車再送走，呢個就係正常程度。
 
但係往往多起野做上黎果時，師傅們會就咁碌枝氣落地下，完全唔洗過車，再將新氣碌入櫃再駁錶。呢d動作，小祺係絕對做唔到
 
做完第一款氣後，Alvin帶佢睇另一種氣，當佢叫小祺嘗試接駁果時，小祺駁極都駁唔到，其時學翹路過小祺身後
 
「喂妳駁枝氣駁左幾耐呀?」
 




「成分鐘啦，上極都跳一下上唔到」
 
學翹望望Alvin再望望師傅，佢地一眼就知咩事
 
「妳覺得有咩問題呀?」學翹問小祺
 
「隻錶有問題?或者氣樽個口有問題」
 
學翹望一望「我話妳知丫，隻錶同氣樽都冇問題」
 
小祺望一望「冇理由呀，我而家咪順時針上緊樽囉」
 
「妳試下逆時針上一次」
 
小祺半信半疑下，將個士巴拿轉逆時針方向，個錶立即上到樣氣到




 
「咦?點解咁得意嘅?」
 
「妳睇下呢樣咩氣」
 
「咪Hydrogen UHP囉」
 
「咁佢會唔會爆丫?或者燒得著?」
 
「會呀」
 
「妳再睇睇呢個倉，睇下有咩共通點」
 
小祺係個倉到睇，有Helium，有5%Hydrogen in Argon之類，而大部份嘅氣都係會爆
 




「呢間房d氣，大部份都燒得著」
 
「妳再睇睇隻錶」
 
小祺細心一睇，錶上嘅nuts有鑿mark係上邊，即係代表係左啞錶
 
「呢隻錶款係左啞，逆時針上，專俾d會爆嘅氣用」
 
小祺搞清楚後，佢就去試推液氮缸
 
係果個上晝，小祺應該同做左成日gym冇分別，因為佢返到總部自己個位食飯時，雙手係震哂
 
佢終於明白到，樓下一班師傅同學翹係用咁多勞力去做野，所以唔可以好似以前咁睇低佢地一線