係同屋室友?定係同居密友?: 51. 神秘車輛

小祺Professional diploma module 4準備開學，所以佢同學翹傾下食飯問題
 
「妳想我煮定返黎俾妳翻熱食返定係買少少野食就算?」
 
「睇你想唔想煮者，不過我返到黎都差唔多10點半」
 
「如果有小巴就係囉，可能妳11點先返到黎喎」
 
「呀….又要沖涼之類，可能搞到12點幾1點先有得瞓」
 




「咁啦，我放工後返黎煮飯，留定哂飯盒果d第二日食晏，之後我渣車去北角接妳囉」
 
「咁你咪嘥時間囉」
 
「咁妳想好夜先有得瞓咩?」
 
「我果到一落去就係地鐵站，唔….一係你出黎地鐵站等我囉，咁樣你d時間可以預多d」小祺難得提出左方法
 
「呀，估唔到妳個腦都有d用架喎」
 




「你咁樣叫讚我定潤我呀?」
 
「兩睇啦，兩睇啦」
 
為左唔會撞到其他同事，佢地兩個星期六日去買餸，總係渣車去到遠一遠買，有時仲會叫送上門，因為佢地兩個有時都會好懶
 
今晚，學翹係屋企煮好飯，整好左兩個人嘅飯盒，睇一睇時間，九點半
 
小祺準時21:30 send wts俾學翹「我放學啦」
 




一收到wts後，學翹隻右腳就俾油，部Jimny仔就出發去地鐵站
 
小祺對於學翹部Jimny仔冇任何不滿，唔似肖翠君，係都羨慕d朋友有得坐tesla。部車徐徐去到地鐵站附近後停係一邊，熄左匙後學翹就等小祺出黎。期間wts再度響起
 
「又sent野黎，佢地一家人煩唔煩架」
 
冇錯，來者正是肖翠君，內容大致如下:復合結婚啦，大家都拍左咁耐拖
 
學翹見冇野做，佢就覆返肖翠君：吔屎啦妳.jpg
 
覆完肖翠君之後，佢再慢慢睇新電話
 
「最近有個家庭plan，仲有新機出喎，小祺部電話好似好舊，save低哂d野，遲少少換機先」
 
睇睇時間，小祺應該過左海，差唔多到。佢影低自己係邊度後，再send俾小祺




 
「得啦，仲有兩個站就到」
 
「我等埋妳先食飯，飯盒我執好左架啦」
 
「你唔食飯先?」
 
「想同妳撐檯腳嘛」
 
係地鐵車箱中坐係到嘅小祺見到學翹呢句msg，個心又甜左一下，可能佢地兩個人都冇發覺，對方已經漸漸融入左自己嘅生活當中，為對方而改變
 
小祺以前一向都唔理皮膚，但係同學翹一齊住埋後，佢開始為自己皮膚而著緊，開始用磨沙洗面，敷mask去保養自己
 
而學翹之前，通常幾日先開一次機洗衫。自從小祺黎左之後，佢會每日開機，仲有拖地吸塵呢d，務求令小祺住得開心舒服，而且佢都唔想小祺搬走
 




過左5分鐘後，小祺由地鐵站出口行出黎，再同佢同學講拜拜，佢見到學翹部Jimny仔就快步咁行過黎
 
「等左好耐呀?」佢坐上車後問
 
「都唔係呀，妳sent msg俾我果時我先開車，黎左10分鐘左右啦
 
「好彩唔係冬天咋，叫左你唔洗等我自己食飯先嘛」
 
「我自己食先，咪又要洗多次碗?倒不如等埋妳先一次過洗咪仲好」
 
「咁即係一陣我沖涼先，然後食飯洗碗開機洗衫?」
 
「Bingo!」
 
學翹開住車返宿舍，而佢並未有留意到，佢部車後邊有部LAND ROVER DISCOVERY泊左係佢尾，而佢姐夫黎大狀果部車，正正就係同一款車