係同屋室友?定係同居密友?: 43. 割脈自盡

小祺轉身望住佢地，佢口中說話未講第一句野，佢爸爸已經一把星過去佢塊面到，小祺左邊臉上除左佢淡淡嘅胎記外，而家仲多左一個掌印
 
「妳個衰女包!叫妳唔好再讀書，留D錢俾個細佬!!妳硬係唔聽，嘥哂D錢俾妳自己!!!而家出黎做野就仲衰!!自己搬走!!一蚊都冇俾過屋企!!!妳個衰女包丫」
 
「小祺呀!!妳係咪想激死阿爸呀?妳俾D錢出黎俾細佬讀書啦，佢讀果D野好有用，好有前途架!」媽媽係到附和咁講
 
係佢地眼中，小祺只係一個為幫佢細佬嘅工具。由中學開始，小祺所有野都係靠自己努力賺返黎
 
「你地一開口就問我攞錢….你地有冇為我諗過架!!」
 




「咩冇呀?我地生妳出黎養大妳架」
 
「你兩個有養過我咩!!!我細個校服、衫、鞋，全部都係用人地用剩嘅野!個細佬呢?乜都係新」
 
「妳做家姐唔好咁計較得唔得呀?果個妳細佬黎架!!」
 
「佢有當我係家姐咩?只係識叫我幫佢做功課!!!佢考試唔合格你地就鬧我打我!!!咁多年以黎我一直都做自己本份做到最好!!你地有冇睇過我一眼呀?」
 
「邊個叫妳係女呀?所有人都知道係仔先可以為家爭光架啦!!妳細佬讀外國名牌大學架!!妳點同佢比呀!!妳快D拎錢出黎呀死女包!!」
 




「名牌大學?名牌大學又點會係D二流商業大廈上堂呀!!唔該你地醒下啦!!佢會讀得成書咩!」
 
小祺爸爸聽到之後再打多小祺一把「死女包!個細佬而家讀到書!妳識D咩呀!!!供養細佬係妳嘅責任黎架!!」
 
「我責任?咁你地有冇供養過我呀!!我呢6年嘅學費都係我自己好辛苦咁搵返黎借返黎架!!獎學金係我自已用自己能力換取架!!!你地問心丫!!我畢業果時你地有冇黎觀禮呀!!我係全個家族唯一一個讀到正規大學仲成功畢業嘅人呀!!我個個同學都有屋企人睇佢地行畢業典禮，有人陪佢地影相架!!我呢?中學到大學畢業你地都冇出現過呀!!!」
 
「小祺呀!!妳計較咁多做咩呀!!!」
 
「講咁多做咩呀!」小祺爸爸過去不停打小祺
 




「拎錢出黎呀死女包!!」
 
「小祺呀!!妳聽話啦!!俾錢屋企啦….」
 
因為小祺俾爸爸不停打，打到臉上出血
 
小祺終於忍唔住，去櫃員機一次過撳哂戶口D錢，扔向佢父母
 
「錢就得咁多!!而家俾哂你地!!!唔該你地唔好再煩我!!!!」
 
小祺一下子將幾萬蚊扔向佢父母
 
「唏!一早拎出黎咪好囉!!!我同妳講添呀!!下兩個月中秋妳要拎錢返黎孝敬屋企呀!我知妳而家住邊架!死女包!!」
 
小祺聽完之後，頭也不回咁跑返去自己所住嘅套房




 
大力關上門再大喊
 
佢怨自己，點解咁命苦
 
佢拎起一把刀，想向自己左手手腕割過去，佢用力將刀壓係手腕上，手腕滲出多條血痕，然後鮮血開始由傷口滲出
 
當小祺想下決心一下子割落去時，門口傳黎敲門嘅聲音
 
敲門聲令小祺更加緊張，佢驚到連刀都跌左落地下，佢好怕佢屋企人會搵到上黎佢呢度，係佢絕望之際，外邊敲門嘅人出聲講野
 
「喂Suki，妳漏左部Macbook係學校冇拎走呀」