係同屋室友?定係同居密友?: 42. 屋企人

「下!!!!妳去左佢屋企住左6日5夜呀?!」Rachel碌大雙眼望住Suki
 
「應該係6日6夜，我係星期五晚去佢屋企嘅」小祺數數手指
 
「咁妳有衫架啦?」
 
「我一向放一set bra同under係locker，仲有上次漏低左一套，加埋我果日著住果套，總共三套，點會唔夠?」說罷，小祺又將一枝pipette tube扔去浸有disinfectant嘅桶度。順帶一提，Rachel係臨交proposal前，學校先換左另一個新黎嘅助理教授跟Rachel嘅PhD，所以佢成個proposal就係新老細協助下，極速完成同submit，老細亦都極速批左
 
「咁妳d衫邊個洗呀?」
 




「有洗衣機架嘛，喂，拎個culture plate黎丫」小祺將d cell放入culture plate
 
「妳d bra同底褲佢都幫妳洗埋呀?」
 
「係呀，一機過嘛，咁佢都知道我size啦，怕咩喎」
 
「咁妳瞓邊呀?」
 
「頭幾晚咪瞓佢張床，佢瞓廳囉」
 




「頭幾晚?咁最後果幾晚呢?」Rachel愈問愈興奮
 
小祺望清楚tissue culture room係得佢兩個後「有一晚，太大風，我太驚，叫左佢陪我孖舖….之後到最後一晚都係孖舖」
 
「孖舖!!!!!!!!!!!!!!!!!」Rachel差唔多成隻眼跌出黎
 
「妳有冇同佢…….」
 
「冇呀!!!妳諗咩呀!!!我果時…..胸圍都冇帶，我地中間隔左條鯊魚架!!我仲係…仲係處子之身」
 




Rachel奸笑咁望住Suki「量妳都唔會同一個唔係自己男朋友嘅人，做果回事嘅」
 
「難道妳會?」
 
「我唔會喎，每次我都係同當時嘅男朋友先會架」
 
「咁妳都dry左好耐，妳好似UG果時同男朋友散左」
 
Rachel數下數下「3年囉，我自己食自己食左3年」
 
「似乎妳需要搵個男朋友多過我要搵喎」
 
「但係，妳一d心動都冇咩?」
 
「冇喎，暫時佢同我就係同事以上」




 
「可能妳好快就愛上人地呢」
 
「唔會咁快，我鍾意一個人，要用好耐、好長時間」
 
小祺幫Rachel做完實驗，自己搭地鐵返屋企，如果果間套房仲係叫做佢屋企嘅話
 
一出地鐵站，小祺又返到黎西灣河，佢望一望電話嘅時間，原來已經8點半。而佢個肚又有少少餓，所以佢就行去附近一間粥舖之中，叫左碗艇仔粥
 
佢食一啖後發現，粥嘅味道冇佢係學翹屋企食嘅咁好食，而且料亦都冇咁多。冇辦法啦，呢到係街舖，當然係唔會俾咁多料嘅粥妳食，入邊有魷魚豬皮同花生已經好好，唔好奢求咁多
 
第二日又係星期六，又要自己留係屋企煮飯食，而且仲要溫書，因為最後一個Module即將開始，所以佢想係屋企休息嘅時候，預先備課先
 
小祺食完碗粥後，起身埋單俾錢後行返屋企。就係小祺離開弼舖後，佢嘅身後遠處就多左一對夫婦跟住，佢地年齡大約50歲左右，佢地樣貌同小祺好似樣
 




而果一對，就係小祺嘅父母。佢地係小祺一出地鐵站就見到佢。佢地知道個女而家已經出身做野，而且仲搬左出去，所以更加要拎錢返屋企俾佢地，要個女盡做子女嘅責任，供養父母同細佬。
 
當小祺行到去櫃員機附近時，佢地出聲叫住小祺
 
「梁小祺!!!妳個衰女同我企係到!!!」
 
小祺一聽到佢地嘅聲音，再望望附近嘅櫃員機，就知道，佢地又黎問自己攞錢