係同屋室友?定係同居密友?: 41. 艇仔粥

窗戶不斷地被風及雨拍打，風力強勁程序係可以用肉眼見到風嘅存在
 
早上9點，小祺同學翹同一時間睜開眼，佢地兩個人之間嘅鯊魚仍然瞓係同一位置，將兩個人分隔開
 
今日學翹整嘅早餐令小祺大開眼界
 
「你竟然可以係屋企煲到艇仔粥?」
 
係小祺心目中，艇仔粥只可以係街d粥品店食到，佢誓估唔到，原來屋企都可以煲到艇仔粥
 




「有咩出奇呀?我去露營都可以煲到艇仔粥嘅」
 
兩個人坐係飯檯，面前面，氣氛好似有少少尷尬。因為佢地兩個人，尋晚一男一女同床，雖然冇發生可以導致小祺懷孕嘅事發生，但係兩個只係同事關係嘅男女一齊瞓，總係有d講唔出嘅尷尬
 
打開電視一眇，果然不出學翹所料，天文台已經掛起10號風球，並且今日全日會維持
 
「呵，Suki，我諗我地最快都要星期三先返工啦」
 
「星期三?今日星期一咋喎，聽日個風都應該變3號」
 




學翹笑一笑，呢個女仔真係新鮮社會人，佢仲未明白打工仔有幾渴望休假
 
「妳去窗邊望下外邊條街」
 
「有咩野好睇?」
 
「妳睇完就知道點解我話最快星期三先返到工」
 
小祺行去窗邊一望，發現大量樹木倒塌，有街燈俾風吹倒，紅綠燈成枝飛走左等等，外邊就好似打完仗咁，差在未有飛彈飛過
 




「點呀?妳覺得星期二返唔返到工呀?」
 
「可能要星期四先返到喎」
 
收拾好飯檯後，佢地兩個又開始打機生活，呢種生活，正如學翹預測，去到星期四先可以返工
 
星期三嘅下晝，所有颱風訊號已經除下，路面已經有多部工程車進行緊急維修等等，大致上路面已經可以行車
 
「啊，我係時間返屋企架啦」
 
「聽日返工啦喎，妳而家返去之後聽日又返工?」
 
「我已經係到打擾左你咁多日，唔想再麻煩你啦」
 
「妳係到住多晚，聽日同妳一齊返工啦」




 
「但係…出門口果時怕唔怕俾人見到，而且…老細都係住宿舍架嘛」
 
小祺嘅顧慮係正常嘅，但另一方面佢又幾認同學翹所講，係到留多一晚，聽日再一齊返工
 
「妳係到啦，聽日一定唔會俾人見到嘅」
 
「咁…好啦」
 
然後佢地繼續打機械人大戰
 
夜晚臨瞓前，小祺係到執拾佢嘅行裝，只係住左6日，但係佢要帶走嘅野唔多，因為佢嘅家居服都係學翹嘅t shirt，小祺帶走嘅，只係佢自己係貼身內衣褲等等
 
當晚，天氣平靜，但係佢地兩個人仍然瞓係同一張床上繼續孖舖，佢地兩個人就好似吸毒上左癮咁樣，連續幾晚都一齊瞓
 




星期四早上，學翹車住小祺返學校，車一駛入學校，佢地就大開眼界
 
廣場嘅玻璃天幕頂有大部份玻璃都被強風吹跌，地下大量玻璃碎
 
有櫃員機被吹到翻轉，而有窗戶亦都吹爛
 
食完早餐後，小祺返到自己係總部嘅位，由於總部唔係食風位，所以相對破壞非常細，而學翹所在嘅分部就更為安全，除左office天花滴水之外，再搵唔到其他地方受到颱風所破壞
 
但係樓上嘅地方就冇咁好彩，天台嘅小屋被吹倒，小祺之前嘅海洋研究所以及運動場都受到嚴重破壞，所以星期四佢地可以開到工係非常之好彩
 
小祺同學翹呢一刻大家個腦中都諗到同一件事
 
「會唔會再有機會佢/我去暫住呢?」
 
佢地點都冇諗過，個機會好快又再黎到