係同屋室友?定係同居密友?: 30. 睡袋

苗學翹係衣櫃中拎出個睡袋放係梳化，已經坐完按摩椅嘅小祺以為個睡袋係佢用，所以走去望下個睡袋，此時，學翹叫住小祺
 
「Suki呀，妳瞓我間房，個睡袋我用黎瞓廳架」
 
「下?你瞓廳?應該我瞓先係喎」
 
「妳係客人，又係女仔，所以妳瞓房好正常。冇理由我叫妳黎留宿一晚但係要妳瞓廳架嘛」
 
「不過…」小祺欲言又止，學翹見狀就立即打開睡袋自己瞓入去
 




「妳可以鎖門瞓架，鎖匙係果度」學翹指住茶几面
 
「我信得過你，唔洗鎖門，不過你唔會有鼻鼾掛?」
 
「我唔會，難道妳會?」
 
「唔知架，我瞓左話你知啦」
 
小祺返去房之後，就繼續用Macbook，而學翹就係客到睇書
 




學翹見小祺坐係床上用Macbook，所以又不禁同佢傾計
 
「我仲有間書房架喎，妳唔洗咁樣係床到用機呀」
 
「呀..我睇陣野就瞓架啦」
 
「又係睇youtube呀?」
 
「冇辦法啦，平時同事會係食飯果陣開個netflix或者Disney+同我一齊睇，但係我又唔可以叫人加我架嘛，我又冇俾錢。所以咪只係睇下youtube囉」
 




「妳住果到有wifi?」
 
「包埋呀，所以咪方便我睇youtube囉」
 
學翹起身去自己間房，走到小祺身邊
 
「呀…我方便坐上黎嘛?」
 
「呢到你屋企黎架，點會唔方便?」
 
學翹坐係小祺隔離，幫佢download左netflix同disney+後，再入自己acc，加埋小祺入去
 
「你…做咩加埋我呀?」
 
「我又冇人陪我share，咪俾妳囉，少少錢者，我都唔介意」




 
「多謝你呀」小祺當刻好開心，佢估唔到世上仲有人會咁好人大方
 
完成後，學翹出返廳，走返入睡袋中
 
夜幕低垂，好快佢地都各自合上雙眼
 
似乎係兩個人前一日工作太攰、太用神，所以當佢地張開眼時，已經係正午時間
 
梁小祺一打開雙眼，同時學翹都準備好早/午餐。之後小祺換好衫，去洗手間梳洗，同時，學翹亦都換好衫
 
佢地兩個一齊出發，坐上學翹部車後，小祺先記起自己有野漏低左
 
「呀!!!」
 




「咩事?」
 
「我漏左少少野…」小祺好細聲咁講
 
「我星期一俾返妳囉，唔緊要架」
 
小祺面紅紅咁講「係我D…貼身衣物…..如果俾人知道…」
 
「哦，好小事者，俾人發現咪話妳去左我屋企囉」
 
「你係男仔就當然冇問題啦….但係我仲係黃花閏女….仲係A0….我大問題架」
 
學翹諗一諗「我而家轉頭過海陪妳一齊返去拎好唔好?」
 
小祺眼見就返到屋企，如果要人地返轉頭，即係又要過多兩次隧道




 
「你…星期一俾返我?偷偷地…」
 
「定係妳留D衫係宿舍?睇妳都係間唔中要黎我到」
 
「咁呀…都好嘅，不過妳你唔會用我D野黎…..咩呀?」
 
「我唔係變態架，妳唔好咁諗啦」
 
「唔好意思呢…」
 
去到小祺屋企樓下，望清楚附近安全後佢先落車返上樓
 
「尋晚唔該哂你呀」
 




「小意思黎者，妳返去休息啦，條街咁熱」
 
「星期一見啦，拜拜」
 
小祺返到自己間套房後，換好居家服，打開Macbook，開始睇自己鍾意睇嘅野。而返到宿舍嘅學翹，就執好哂所有野，沖完涼後，連同小祺著過嘅所有衫褲一齊開機洗。