係同屋室友?定係同居密友?: 26. 首日工作

星期一返到office，今日係梁小祺自己第一日自己處理order之類，難免有d緊張。唔單止佢要適應，就連用家都要適應。今日有好多電話打落黎，Suki一接電話，人地就以為打錯，搞到要其他同事幫佢聽電話同解釋先可以做到野，搞到小祺有d唔好意思
 
而且小祺自己都有d緊張，其他同事見到，都紛紛伸出雙手幫小祺
 
Roy同其他總部嘅同事黎到，見到小祺個位都開聲同佢講
 
「喂喂，妳執下個位啦，咁多野」
 
「我都唔知有邊d係要，邊d係唔要」
 




坐係一邊嘅學翹聽到哂佢地嘅對話
 
Lunch時間，小祺都係帶個飯盒上總部到食，今日佢地嘅話題，係星期五晚，小祺飲左三杯之後嘅呆樣
 
到果時梁小祺自己先知，佢飲左一杯紅酒、一杯白酒同一杯威士忌
 
「下?我飲左三杯呀?」
 
「妳唔知架咩?妳走果時仲係呆呆下咁喎」
 




「有咩?我唔太記得啦」
 
「妳飲到斷片黎呀?咁妳記唔記得係邊個送妳返屋企?」
 
「呢層我知，係聰明仔同我舊老闆個學生」
 
Lunch time時間完畢，小祺返到去佢分部個位，發現個位同上晝果時完全係兩回事
 
成張檯已經執好哂，所有塵都吸光，檯面俾人用酒精清潔過。成個位一d雜物都冇，非常整齊
 




梁小祺見到自己個位變成咁，好似嚇親咁企左係到，然後就有同事同佢講「係阿翹幫妳清潔架」，係呢個時候，學翹返入黎
 
小祺立即轉身「唔該哂你呀」
 
「小事黎者」
 
「我想問下你呢，聽日有冇時間食餐飯想報答返你上次…」小祺鼓氣勇氣咁問，點知學翹拒絕左佢
 
「妳搞掂妳自己先啦」
 
「下?」
 
「妳好返哂啦咩?」
 
小祺諗返起，自己又真係未好得哂，佢一臉尷尬企係到




 
「等妳好返先啦」
 
大家開始下晝嘅工作，初初開始時，係非常順利，直到收工時，都非常順利
 
係頭兩星期，都冇咩大問題
……..
「你好，供應部」小祺一如以往地聽電話，不過今日呢個電話，係師傅打電話返黎office
 
小祺用紙jot低師傅所講嘅野後，立即拎出去俾學翹
 
「阿翹，師傅話有枝CO2個regulator上唔到，想搵你上去睇睇，個user都係度等緊」小祺去到學翹個位到叫佢
 
「ok，我上去睇睇」
 




學翹起身著好對安全鞋之後，著上lab coat拎埋佢嘅工具，準備出發。因為全日著安全鞋係會好焗好攰，雖然果對都係纖維頭同纖維防刺穿底安全鞋，但係佢係office果時，係會換上cross膠鞋
 
當學翹準備好出發果時，Suki都跟埋佢出去
 
「咦?妳做咩呀?」
 
「我想跟你去學下野，睇下你點樣即場維修一個regulator」
 
「都唔算係維修，係用武力解決問題」
 
「點用武力?」
 
學翹帶住Suki去到師傅講果間房，一入到去，就已經見到隻錶
 
學翹一拎起手，係nuts扭一下後，就搵出問題




 
「隻錶有咩問題?」小祺伸個頭去問
 
學翹俾佢睇一睇錶個inlet位「妳見唔見到有舊透明嘅膠係到?
 
小祺留心望一望，的確係有舊膠係到
 
「果舊係O-ring，不過食死左係regulator入邊，將個nuts迫死左。我而家要做嘅，係要將個舊O ring拆出黎，換個新嘅上去」
 
「你會點做呀?」
 
「妳睇下好啦，唔好學」
 
小祺行遠少少，然後見學翹係工具桶到拎左個士巴拿出黎，再大力敲落個nuts到，粒nuts好快就打鬆左。果然，小梁見到一個已經壓到扁哂嘅o ring
 




學翹用個鉗將個舊o ring拉出黎，再換上一個新o ring後裝好隻錶
 
「咁樣就維修完畢」
 
 
「唔該哂你呀，教我咁多野」
 
「妳上緊個professional diploma sem2冇教咩?」
 
「教過，但我冇落手做過，所以唔太明，咦?你點知有咩讀架?」
 
學翹笑笑口咁講「我舊年先上完呢個course囉」
 
「咁就好啦，你可以教我功課啦」
 
「sem3我都唔係太明白，不過都可以教妳嘅」
 
「咁就唔該哂你啦」
 
結果學翹同小祺之間嘅距離，再比其他同事接近一d