係同屋室友?定係同居密友?: 23. 歡送酒

隨住苗學翹嘅鋼筆一揮之下，佢以前生活嘅屋就成功租出。第二筆再揮，父母嘅遺產基金正式運作。又揮多一下，學翹簽收左學校提供俾佢嘅宿舍。
 
入伙前嘅拜四角儀式，交左俾學雯負責，學翹自一個人就負責哂傢私電器之類
 
大學宿舍由四幢4層高嘅大廈組成，每層都係4個單位，有大小之分。而苗學翹就分配到一個足夠容納一家四口嘅兩房大單位。有見及此，學翹將其中一間房設計成書房，入邊擺放左書檯、兩個大書架。苗學翹將佢自己D書都整齊咁放上書架，有金庸全集、衛斯理、原振俠、大唐雙龍傳等等，亦有一D英文小說，例如Tom CLANCY、Tess GERRITSEN、Peter MAY等等。
 
苗學翹同肖翠君之間最大嘅意見分歧，就係關於娛樂方面。肖翠君係典型港女，鍾意行商場、High tea，睇名牌行名店等等，而苗學翹就係鍾意靜，自己可以係coffee shop拎住本小說坐一日，所以之前當肖翠君係名店試衫時，苗學翹就會坐埋一邊睇書。而睇書呢個活動，正正係肖翠君最討厭嘅活動，佢覺得睇書係沉悶、多餘，只有上網打機行街先係年輕人所要有嘅生活。
 
隨住電器陸續送到，學翹嘅新居都正式入伙。睡房中，佢揀左一張雙人床，唔係方便帶女仔上黎瞓，而係為左方便佢放IKEA鯊魚。因為學翹佢係正宗IKEA鯊魚迷，大小size 鯊魚都有一堆。
 




接收哂所有傢私、清潔完後，學翹就開始一個人嘅新生活
 
冬去春來，植物開始發芽生長，許多鮮花開放。冬眠的動物甦醒，許多以卵過冬的動物孵化，鳥類開始遷徙，離開越冬地向繁殖地進發。許多動物在這段時間裏發情，因此春季稱為「萬物復甦」的季節。春季氣溫和生物界的變化對人的心理和生理也有影響。 對農業來說，春季是播種許多農作物的季節，同時也是許多農作物的收成期，同時亦日本職業足球聯賽，J Leauge嘅球季開季日子。同時亦係梁小祺所報讀嘅Professional Diploma開學嘅日子。由今年3月至11月，小祺需要每個星期一同四，晚上18:30-21:30去學校上堂
 
春天過後，就到夏天，亦係同事雄哥退休嘅日子。係當日，部門為雄哥搞左個farewell party
 
係學校嘅酒樓宴會廳內，大家都食得好開心。既然係farewell party，宴會上一定有酒。
苗學翹個人好有分串，佢知道自己唔飲得太多，就算住係宿舍，佢都以要渣車嘅藉口只飲一小小小杯，份量大約係打針前消毒皮膚嘅份量
 
雖然只係一兩滴，但從氣味同味道之中，學翹就知道係靚酒。雄哥毫不猶豫，將枝酒送左俾學翹，不過千叮萬囑，叫學翹酒後唔可以渣車




 
而小祺方面，因為雄哥係佢師傅，教左佢唔少野，所以循例咁飲左幾杯
 
小祺飲左三杯，一杯紅酒、一杯白酒，同加多一杯白蘭地。
 
但係呢幾杯酒，唔係一般嘅酒，係足以改變苗學翹同梁小祺之間嘅關係嘅酒。