係同屋室友?定係同居密友?: 15. 送錯野

「你好，供應部」梁小祺學習左點接call幾星期，距離同事退休仲有幾個月左右
 
「妳好呀，我地呢到係6144架」對方係電話到嘅聲音有d急
 
「係，請問有咩事呢?」
 
「我地今日上晝訂左枝氣，幫你地同事開門後佢就俾張單我地簽完佢就話我地走得。但係而家我地發現枝氣漏緊氣同埋送左另一款氣俾我地，可唔可以安排同事上黎睇睇呀?」
 
「咁我搵幫你地上黎睇睇啦」收線後，小祺準備行去logbook到睇枝氣果時，另一個同事電話都響起，以佢地嘅經驗講佢地知，呢個鐘數收到嘅電話，一定係有事發生
 




雄哥拎起電話聽完後，面色一黑，梁小祺見到呢個場面，都知可能會有大事發生
 
電話收線後，雄哥立即搵返兩張單出黎睇後
 
「又係佢，次次都係佢」
 
正當雄哥同Suki行到去佢個位時，先發現佢已經不見人影
 
雄哥諗一諗再問小祺「今日係唔係星期三呀?」
 




梁小祺睇一睇日曆「係呀」
 
「又早退入左馬場，成日都係咁」
 
「雄哥，咁而家可以點?」
 
「搵Alvin啦」
 
佢地行到埋Alvin位果時，講哂所有情況出黎
 




「咁樣咁嚴重呀?睇睇先，我負責一間房，至於另一間就問下阿翹可唔可以幫到手」
 
小祺行到佢學翹個位果時，學翹係到睇緊期刊
 
「你好呀，想有件急事想請你幫幫手架」小祺當時心情係有D急，但係好快學翹就安撫左佢嘅情緒
 
「唔洗驚喎Suki，我上去睇睇先啦」
 
「唔該哂你」
 
苗學翹上到去睇一睇枝氣，原來都唔算係小事。果部儀器根本就唔係配果枝氣，雖然理論上係可以，不過會影響到個result，同埋會影響部儀器
 
今次件事都應該唔小野，因為連教授都落埋黎睇下發生咩事
 
「咦?你呀?」




 
「係呀，黃教授，又係我呀」
 
「枝氣唔同左，部機可能有問題」
 
「我而家幫你換左枝氣先，然後幫你cal過部機好嗎?」
 
一聽到苗學翹想幫個教授cal返部機，黃教授開心都笑哂口
 
「我就當然冇問題啦，但係送氣裝氣果位同事，佢就有少少問題啦」
 
「呢層我都明嘅，或者你可以同我地上司反映下呢個問題」
 
「ok，咁我親自e-mail問佢，你換完氣後…幾耐上黎cal機?」
 




「你地今晚會用機?」
 
其他學生點頭示意
 
「咁我立即上黎cal啦」
 
學翹推返枝錯嘅氣入倉後，執埋自己行裝準備上去時，Alvin都返到黎
 
「阿翹你果邊點呀?」
 
「果位大哥送錯氣上去，搞到教授部機setting唔同哂，我而家上去幫佢地cal返部機」
 
小祺係佢個位到聽到都起身問「會唔會麻煩到你呀?」
 
苗學翹笑一笑「麻煩就一定有，但係問題唔大，部機好易cal」




 
小祺見到咁，佢自己想留低幫手「咁我上去陪你?」
 
「唔洗啦Suki，妳早返屋企休息仲好，呢d野我做慣」
 
學翹講完後，佢就出左office門口，當時嘅時間係16:45分。梁小祺坐返埋位，望住個鐘，望一望電腦，再望下個鐘，原來已經17:15，距離收工仲有大約15分鐘嘅時候，office道門打開左，而學翹就踏入返office
 
只係用左半個鐘，佢就幫教授cal好部機