係同屋室友?定係同居密友?: 16. 衝突

第二日朝早，準備開工前Alvin打算去到Ronold個位到同佢講返件事，希望佢下一次可以小心d，因為尋日真係好影響其他同事，不過Ronold一早就收到ROY電話，要佢儘快上去總部果到交代成件事嘅來龍去脈
 
因為係收到教授嘅投訴，所以部門經理非常重視。一d原本以為唔會再發生嘅低級錯誤，估唔到又再次發生
 
經理們似乎非常不滿，因為Ronold係總部差唔多成個鐘先返落黎，而佢離開總部時係怒氣沖沖咁走，大力咁踢開office嘅門。呢個時間，資深一d嘅舊員工都知道，下邊嘅小分部，將會有一場腥風血雨來臨
 
果然不出大家所料，30分鐘後，就收到保安部通知，供應部發生暴力事件，有一名員工受傷
 
當時，Ronold懷住好大恨意走入office，一直以來佢都同其他同事唔咬弦，而尋日佢嘅出錯，今日經理嘅召見更加係爆發點
 




佢一入office就立即去到苗學翹個位用粗口指鬧對方，甚至連屋企人都搬埋出黎鬧
 
但係所有同事都知道，苗學翹嘅屋企人已經係年多前意外過身，所以呢一下係觸動到佢嘅底線
 
但係學翹仍然有少許理智，佢只係用大聲少少嘅聲線去指控Ronold一直以黎嘅行為，而學翹所提出嘅指控，大家都非常同意
 
因為自己所有問題都一次過俾人指責，加上幾年前升職評核中不敵Alvin，滿心以為下一個升職住宿舍嘅會係佢，殊不知一座研究大樓落成之前，舊老闆爭取到一個TO 嘅head count返黎，而苗學翹一上任，就立即受到舊老闆重用，所以間接話俾其他人知，學翹好大機會係下一個升職嘅人，咁樣令Ronold更加討厭其他同事
 
而早年學校推行新嘅人事改革，令到一d舊嘅員工知道自己唔可以再得過且過後，再推出一個「自願離職計劃」亦即肥雞餐
 




Ronold有見及此，就申請食肥雞，可惜佢多年表現太差，老闆同人事部都唔批佢嘅申請令佢懷恨在心，係新仇舊恨之下，然後最暴力嘅事件就發生。Ronold好唔客氣咁推左學翹一下，不過學翹仍然企到好穩。眼見推人不成，佢就拎起膠紙座，用鋒利果一邊車過去學翹額頭
 
學翹太陽穴受到撞擊，應聲倒地，然後撞到檯角後不支倒地
 
呢個時候，保安趕到制止Ronold。原來係鬧交果時，聲量大到連隔離房都聽到，隔壁房同事怕有事發生，所以立即通知保安
 
保安主管見有同事暈低流血，立即通知學校診所醫生到場，再報警處理。一時間，一個小小嘅部門有好多學校高層到場，仲有救護員以及警察
 
因為涉及到傷人，所以今日供應部都被迫暫時停工一日，以便警方搜證
 




苗學翹被送去醫院，而Ronold就被警方以涉嫌傷人罪行拘捕，所有同事都要落口供。
由於係撞到頭嘅關係，所以苗學翹係醫院最低消費係72小時，其實係有d小題大做。當晚，苗學雯將對仔女交低俾工人後，就趕到醫院，幸好自己嘅細佬冇大礙，所以學雯都放心落黎
 
有幾個經理去醫院了解情況，佢地都叫學翹休息下
 
苗學翹自己係病房內，拎住自己鍾意睇嘅小說慢慢睇，72小時嘅醫院生活雖然係悶，不過都俾到佢靜靜地休息嘅機會
 
奈何，肖氏一家知道後，並唔係立即黎探佢，而係追問有冇賠償
 
係果一刻，苗學翹就打算同呢一家人畫清界線，呢個係對自己最好嘅做法
 
與其同佢地一家人周旋，倒不如快手同佢地斷絕關係
 
可幸嘅係，學翹屋企嘅鎖匙一直都冇交俾佢地，呢個決定，令到佢自己可以更簡單咁同呢一家人斷絕關係