係同屋室友?定係同居密友?: 8. 首次見面

梁小祺跟住ROY慢慢行到一個非常偏僻嘅走廊，UG時代，如果唔係要搭Lift同開locker嘅話，係唔會行過黎呢邊
 
「因為呢個部門係要跟住危險倉，所以佢地就會係呢D地方落腳」ROY不停向梁小祺解釋
 
踏入到Office，的確令梁小祺大開眼界
 
有幾個非常高嘅Partition楝左係佢面前，彷彿有好多間房一樣。但係另一邊，就有三張大檯，佢地之間完全冇野分隔，可以完全見到隔離同事所做緊嘅野
 
「大家麻煩出一出黎，我介紹一下新同事俾大家識」
 




「大家好，我叫梁小祺，大家可以叫我Suki就得」
 
「Suki係我地學校嘅學生，由UG讀到PG，佢之前已經係樓上總部返左兩星期左右，暫時每日下晝佢都會落黎負責新system嘅工作」
 
ROY向Suki逐一介紹呢度嘅同事，呢到大部份人明顯年齡都Suki佢一大截，直頭可以做埋佢爸爸
 
去到一個Partition果時
 
「咦?阿翹呢?」ROY問其他同事
 




「佢出左去做野仲未返」
 
「咁唔洗等佢啦，呢幾位係負責Operation嘅師傅，妳以前都應該見過佢地」
 
突然間有個小妹妹黎左，三名師傅都有d唔太慣咁
 
介紹完文員之後，ROY再帶梁小祺去隔離化學倉、危險倉到睇
 
正如其他人所講，呢個小部門所擁有嘅資源係好多
 




「咁，我洗唔洗學埋師傅所做嘅野?」梁小祺邊jot notes邊問
 
經理諗一諗後「可能妳要學下點樣收Chemical waste，當然，妳只係需要帶隊，而師傅會負責勞力上工作」
 
梁小祺坐埋一張小工作檯邊，打開Macbook，開始處理工作
 
大約30分鐘後，苗學翹拎住工具箱行返入自己位，同一時間，梁小祺嘅視線同佢對上左
 
雙方都覺得對方熟口面，經過老闆介紹後，大家都喚醒腦中嘅回憶
 
學翹返到埋位，打開自己私人e-mail，就收到服務式酒店住宅報價通知，而佢舊居果到，亦計劃開始裝修。大部份舊電器都變賣左
 
有邊個會諗到，短短一年，屋企只剩低佢一個人
 
令人可笑的是，肖翠君一家口講佢地係苗家翹屋企人，但學翹搬屋裝修舊居呢件事，佢地完全唔知道




 
可能佢地仍然幻想緊佢地將來間屋
 
肖氏一家打算佢地搬出黎，學翹因為有車，佢可以住天水圍
 
不過，佢地並唔知道，苗學翹一早就睇穿佢地嘅計劃
 
人並非神仙，人類有貪念係絕對正常，但肖氏一家嘅貪唔似一般人咁貪，佢地一定係極為之貪，所有著數都要拎
 
例如去街外用餐，佢地會自己去拎哂人地嘅開胃小菜同埋餐具仲有牙籤走
 
「人有我又要有」呢個係佢地嘅信念，所有野排場要好要貴，佢地最愛貪慕虛榮
 
就連苗學翹屋企有白事果時，佢地唔係第一時間慰問，而係立即問賠償金，佢地認為自己一定有份分錢
 




佢地一家嘅性格，令到苗學翹非常反感
 
所以，苗學翹父母嘅野，佢要自己好好守住
 
最好嘅方法，就係唔好同呢家人有任何關係