係同屋室友?定係同居密友?: 7. 閒人部門

梁小祺對住本notebook不停jot低重點，因為佢想儘快了解所有工作，而且今日佢仲係參加左新入職員工嘅培訓
 
講到中央供應組之時，佢特別留神，因為佢有機會Second到呢個小部門一段時間，所以佢想更清楚了解
 
往往官方講果時就好好，但係現實就另外一回事，正宗「講就凶狠，做就碌撚」
 
梁小祺為左慳錢，佢自己只有兩對波鞋、一對高踭鞋、斯文少少嘅平底鞋同埋涼鞋，唔計拖鞋，佢連10對鞋都唔夠。
 
而且佢d衫大部份都係同款式，都係剩色同少少公仔，褲同裙就來來去去都係果幾條
 




為慳錢，佢會自己帶飯，減少係街外用餐
 
可幸嘅係，有好多同事都會帶飯，仲好大方咁share 俾佢
 
梁小祺對於佢地個sub-division有點好奇，因為明明只係供應組又會係安全部嘅分部，所以係食飯之時，佢就問起Doris
 
Doris面有難色，再四周張望後同梁小祺講「其實果個部門係孤兒仔，之前係直屬副校長，但係而家就扔左俾我地」
 
梁小祺覺得好奇怪，點解會用「扔」黎形容呢，Doris再解釋
 




「果個部門，係專養閒人，每日工作量唔多，但又有好多資源」
 
「有幾多資源?」
 
「佢地有一部危險品貨車，再加一個宿舍位，但係做野又唔多，而且部門中都冇人走過咁滯，同埋成員經過投訴多野做，佢地都聞名全校架啦」
 
「但係點解而家係我地管?」
 
「因為我地需要一d處理危險化學品嘅專門成員，所以10年前將佢地收編左，我地部門資源要同佢地共用」
 




梁小祺聽到咁樣果時，又諗到起以前讀PG嘅事
 
「係唔係送化學品、壓縮氣果組人?」
 
「冇錯，就係佢地。將來妳Second過去時，唔好學佢地嘅文化返黎呀」
 
聽到Doris咁講，梁小祺對呢個小部門有一個唔好嘅印象
 
「佢地部門係有特別嘅文化?」
 
「係呀，總係突然間請下病假，特別係發現多野做呀、之前一晚有場好重要嘅足球比賽直播呀，佢地就有一兩個人病假唔返工架啦」
 
「佢地咁樣，咪會影響其他同事囉?而且佢地上司唔會不滿咩?」
 
「咁又唔會，佢地總係至少有兩個人返工，所以點都可以完成哂每日所有工作，而且佢地上司係全校出哂名好人」




 
聽到咁樣，梁小祺又覺得奇怪，點解得1/3人 返工，都可以做哂齊人返工嘅工作量呢，咁好大可能係佢地當中有人肯做蝕底野，講好D，係負責任，熱血工作，講衰D，就係社畜、奴工。
 
做好哂手上嘅工作，梁小祺係好加心驅使之下，打開左果個分部門嘅架構圖同埋員工名單黎睇
 
呢個係一個好細嘅部門，計埋自己同經理，都只不過係13個人
 
但係再睇睇佢地要做嘅野，其時先發現得13個人係冇可能做得哂
 
要送壓縮氣、液態氮、送化學品、處理過期化學品、幫實驗室訂D外國先有得賣嘅化學品
 
梁小祺忽然諗返起，佢讀PG果時，需要一隻化學品，佢希望可以儘快將化學品弄到手
 
而佢向供應部一訂，好快，大約兩星期左右，隻化學品就由美國搭飛機黎到
 




「其實….佢地可能應該唔會咁差呢…」
 
好快，梁小祺就親眼見到，係其他同事口中所講，一班學校嘅冗員、雞肋部門嘅運作情況
 
佢見到有其他同事所講嘅情況，亦見到好多人都唔知嘅一面