係同屋室友?定係同居密友?: 5. 獲聘

「係…俾少少笑容」攝影師幫梁小祺影好一張相，用黎做職員證用
 
佢戰戰競競咁去到佢要去嘅office，伸個頭入去望一望，office面積非常之大，每一個人都有自己獨立嘅位
 
「妳就係新黎嘅同事?」一個中年女士好慈祥咁問梁小祺
 
「係…係呀，我叫Suki…..早晨」
 
梁小祺佢有一個小小嘅缺點，講嘅並唔係佢左邊臉上權骨位嘅淡淡胎記，而係佢自己嘅聲線比較柔弱，即係大家所講嘅「雞仔聲」
 




「我係呢到嘅經理之一，我係Christina」
 
一聽到對方係經理級，梁小祺立即緊張起上黎
 
經驗老道嘅Christina一睇，就知道梁小祺係新鮮出爐嘅社會人，所以自己都盡力安撫同照顧梁小祺
 
Christina叫梁小祺放低自己野係位之後，就帶佢去見佢嘅直屬上司
 
「歡迎妳，梁小姐，我係妳嘅上司葉經理，大家都叫我阿ROY」
 




「係..你地叫我Suki就得架啦」
 
「ok，妳係呢間大學已經渡過左6年，相信我地唔洗再教妳邊度搵野食，同埋有邊間餐廳嘅名菜，妳應該好清楚」
 
「係…」Suki佢仍然用柔弱嘅聲線回答
 
「咁呢…..其實妳嘅工作量都唔少嘅，而且妳嘅位唔止外邊一個，過多一年，妳會係我地sub unit到會有一個位，咁果邊妳係暫時性協助佢地，當個新system順利運作之後，妳就會主力留係呢到幫手」
 
「係，我明白」
 




「但係果邊，係得妳一個女仔，有冇問題?」
 
「我相信我自己可以應付到」
 
「ok，咁妳暫時係外邊坐住先，我地會有同事向妳講解，同埋妳要自己去準備定d PPE，將來使用」
 
「知道」
 
ROY向外叫左一聲，叫佢個助理入黎「Doris，妳麻煩妳帶一帶Suki去認識下d同事。下邊果班我會親自帶佢去，唔該哂妳」
 
Doris將Suki逐一介紹俾同事認識，呢個部門同普通公司一樣，會有班比較年輕單身嘅同事，以及已婚嘅同事
 
但Suki係呢度就顯得比較矮小同小妹妹一般，佢一坐埋自己位，就將自己嘅野放出黎
 
大約10分鐘後，Doris拎住一份清單去到梁小祺嘅位




 
「呢到係妳要自行準備嘅PPE，妳買完之後記得拎收據返黎Claim錢」
 
「係，我知道」
 
不過要Suki自行準備嘅，其實只係一對安全鞋，而學校要求嘅安全鞋，係同地盤相若
 
然後同事帶佢去到一個倉庫，係一個足足有五千幾呎嘅倉庫，入邊放左林林總總嘅實驗室所需要嘅用品
 
倉庫同事一見到梁小祺嘅身高物型，立即拎左件幾件細碼實驗袍出黎俾佢，仲有佢地部門嘅風褸、安全帽、化學品手套之類
 
返到office，Suki將佢地放置好，其時都已經接近放工時間，臨走時，HR將已準備好嘅職員證交俾梁小祺
 
根據HR同事講返，只要有職員證，就可以搭學校提供嘅職員巴士返放工
 




「終於唔洗再轉車啦，可以一程過返屋企」梁小祺心中自己暗自開心。因為轉車返工返學，真係會令人攰得好犀利
 
踏落校巴果一刻，發現天色比起學生時代仲要光，所以，佢走去舊式商場嘅鞋舖，為自己買一對安全鞋
 
係鞋舖老闆介紹下，佢揀左一對纖維頭同底嘅防刺穿安全鞋，雖然比傳統鋼頭款貴，但係由於係學校俾錢，所以老闆就幫小祺揀左對最高價錢、款色及顏色、重量同舒適度最適合女仔嘅安全鞋俾佢
 
返到自己住嘅地方，放低所有野，除左鞋襪，著上拖鞋後，就自己處理晚餐
 
雖然中學時有上過家政堂，但係自己成日雞手鴨腳，小祺都係自己被迫搬出黎住時，自己學左少少廚藝，否則，佢可能真係餐餐燒味下庄，外賣例湯
 
完成左一日，佢攤係自己床上，打開電話
 
同佢有聯絡嘅，只有一班中學同學，其中只有少數人同佢傾得埋
 
面上嘅淡淡胎記，彷彿係一面牆一樣，將佢自己同其他人完全分隔開，包括佢自己嘅屋企人，佢嘅至親。