係同屋室友?定係同居密友?: 4. 突擊安全檢查

梁小祺返到實驗室嘅位，除低佢對高踭鞋，感覺非常舒適。今次係佢咁大個女以黎，第一次著高踭鞋著咁耐，為左方便，佢著哂成套suit返學校，到左見完工時，先返到自己個位換過造型
 
此時此刻，佢正在慢慢按摩佢自己雙腳，佢索性除埋絲襪，將一對白白嘅赤足浸到熱水之中
 
十隻細細嘅腳趾都因為著高踭鞋而壓迫到又紅又痛
 
「點呀?剛先係樓上面試如何?」Rachel係Suki隔離位好關心咁問
 
「未必成功啦，在場仲有幾個PhD畢業嘅人」
 




正當Suki伸完懶腰，用毛巾抹乾自己雙腳，收拾哂所有見工用嘅野後，就聽到數名其他部門嘅職員入到實驗室
 
「安全檢查，大家繼續照常工作」
 
既然係例行檢查，實驗室內都冇咩人為意，各人都繼續為自己嘅論文、老闆所交帶嘅工作而埋頭苦幹，始終實驗唔係做一次就有result，要經過大量實驗所得出嘅data加以整合分析，先可以係論文上使用，而且仲要睇大量reference，經非官方估計，一個PG M.phil學生，每日要睇兩篇論文，而PhD學生睇嘅就更多，而好多時會係電腦save低或者bookmark低嘅paper都係不計其數，閒閒地一日睇十幾份paper都得
 
梁小祺係果種唔鍾意拖野黎做嘅人，係M.Phil時，佢每日都會打開Macbook黎打自己嘅論文。到而家暫時做research assistant，佢都會每日完成手上嘅實驗
 
幾個職員經過佢嘅位，細心檢查梁小祺負責嘅地方。當中有一d不足咁地方，但係唔算嚴重，所以今次例行檢查都令人好滿意
 




一份例行安全檢查報告放係葉經理檯面
 
「依你吩咐，去突擊檢查海邊嘅lab，呢個RA所負責嘅地方冇乜問題」苗學翹拎住幾份report向經理報告
 
「咁聰明仔你認為，呢個RA可唔可以勝任我地部門嘅野?」
 
「如果搵佢黎頂雄哥個位，佢綽綽有餘，不過要佢帶師傅做野就麻煩D」
 
「點解呢?我想聽下你嘅意見，坐低慢慢解釋」
 




苗學翹開始將佢嘅睇法向經理報告
 
「始終佢係女仔，而且又唔高，佢未必應付到我地日常體力工作，就算有工具幫手，佢都未必做得到，而且CRYO缸同氣樽都高過佢，要佢落場會比較危險。不過如果佢做後勤，就會更好，始終女仔比較細心。」
 
聽完哂苗學翹嘅論點之後，經理都相當同意。之後佢就係一張表上，剔上一剔再簽名，然後將文件拎到吳教授房間，再簽名後，就由文員送到人事部
 
人事部職員好快就根經理嘅要求，定好合約後，立即打電話
 
同一時間，梁小祺嘅電話都同時響起