OT臨收工先發現走唔出個office 仲要比野追殺點部署: #β423-0018【代號：小豆】

靚妹有啲茫然咁樣望住眼前幾人。
「醒啦？」我有d 漠然咁話。


靚妹無回應，只係開始慢慢觀察周圍既一切。


眼光掃過幾人，然後黎到雞怪既屍體上面，距既眼神瞬間變得警戒。






「大叔，距地幾個唔係想殺我地架咩？」距喺梳化坐起身，爬去我身邊，捉住我衣袖，語氣有d求救既意味。


「搞定左啦！」我一下掙脫左距既手。


「多得你.....」後面嗰句我有d 細聲。


其實我無咩底氣。畢竟多得距幫忙先控制左個局面，更何況為左咁樣令到距元氣大傷，直接昏迷左幾個鐘頭。






雖然距未必為左我......


呢個時候，阿智暗暗踢左我一下。


我有d 驚訝，抬起頭，見到距向我打左個眼色。






不是吧......你點解會想幫個靚妹？我唔係同你講過個靚妹點害我？


雖然距令到我殺人嗰part 我稍微委婉咁表達，但都係差唔多意思姐？


「唉。」我輕嘆一聲，撇左阿智一眼，然後起身走去診療室。


見到阿智無奈既表情有d 好笑。


我喺診療室拎左個電筒出黎，走到靚妹面前。






我摸摸距額頭，距即刻面露厭惡。


「你做咩野啊！」


喺距伸手撥走我隻手之前我及時鬆手，然後一手固定距個頭，一手打開電筒指向距瞳孔。


左眼無問題，右眼都無問題。


瞳孔反應正常。






中途靚妹都無閒住，不斷左右另想掙脫我既掣肘。


我喺距發作之前及時收手。


「無咩大礙！」我沒好氣咁宣布。


靚妹呢個時候已經變到好毛躁。


「食飯啦！」喺啱啱我幫靚妹檢查既間隙，阿彩已經幫靚妹盛好左一碗飯，並且放滿餸菜。






「我點知你地有無落毒？」靚妹一個凜冷既眼神令阿彩生寒，明顯係將氣撒喺阿彩身上。


我一巴掌巴落靚妹個頭度。


「愛吃不吃。」我冷冷道。


靚妹點受得到呢種侮辱。距陰冷咁抬頭，眼中發著微光。


房間頓時微微震動，展示牆上面既槍械都跌左幾把落黎。






面前既飯菜徐徐冒煙，一陣熱浪撲面而來。


阿智同阿彩屏息以待，不敢吭一點聲。


「嗯，省左翻丁既功夫。」阿勇倒是沒有理會，繼續自顧自咁食起黎。


一陣對峙，衝突迸發只在一線之間。


然而我卻突然一陣怪叫。


「老伯！雅威老伯！你個孫女又發脾氣啊！」


我對住空氣亂叫。阿智幾人一副望智障既表情望住我，然而靚妹個樣卻係被殺個措手不及。


「老伯！喂你唔好扮聽唔到wor！你話罩我架wor！」


靚妹面上閃過一絲驚慌，又瞬間收斂。


阿彩捕捉到靚妹臉上既細微變化，心領神會。


「唔好嬲啦～肚餓姐～食飽飯就唔炆架啦！」阿彩上前輕拍靚妹既膝頭哥，然後再次遞上飯餸。


「哼！」靚妹氣不打一處來，傲嬌咁樣翹起手別過頭。


周圍既異常開始慢慢平息。


「係咪手腳仔未有力啊？黎！姐姐喂你！」


靚妹稍稍一呆。


「你唔知我係邊個咩？」


「唔太知，不過我聽祥哥講過少少，就只係知道.....你係個可以郁郁手指就消滅我既存在～」阿彩俏皮咁隨住說話動動手指。


「咁你唔怕我？」


「唔怕啊～你只係個小妹妹咋嘛～」阿彩莞爾道。


靚妹嘴唇微張，睇落非常震驚。


睇到呢一幕，我突然明白。


距咁既身分，大概過去都唔會有人將距當正常人咁睇。唔忌憚就偷笑，更何況好似我咁對距抱有敵意既人大有人在。


突然有少少同情呢個任性既小公主。


靚妹睇落好熟悉距地口中所講既基金會，估計同距地脱不到關係，但係又唔似工作人員。


唔通係實驗體？


咁又是否曾受到非人對待？


話唔定距想逃出呢個空間係想趁機擺脫基金會，所以先甘心受掣肘？


我fing fing ng fing 頭，擺脱腦中既一堆胡思亂想。


老妖公坐喺阿智頭上，饒有興致咁望住我。


「又動同情心啊？你唔係唔知隨意亂動同情心既後果架？」


無錯。我唔需要亂動同情心，做好眼前既事情逃出呢個空間，之後就同靚妹毫無瓜葛。


回到目前，睇住靚妹喺度極力隱藏自己既動容。


「咁......咁......本小姐欣賞你！我就比呢個榮幸你啦！」距吞吞吐吐咁回應，極力保持形象，卻隱藏不到面上染上既一層殷紅。


得到下台階，靚妹擦過不易察覺既一抹鼻血，順利下莊。


阿勇繼續低頭食飯，聳聳肩訕笑一聲。


「唔好矯情啦！黎擘大口，阿～～～」然而阿彩既攻勢仲未完結，距一邊講一邊將一口飯遞入靚妹口中。


靚妹盡力躲避，但都係被阿彩成功將一口飯塞入嘴裏。


睇得出靚妹對阿彩毫無辦法。


阿智既眼神流露出無法遮掩既敬佩，同時帶有一絲籤薄既愛慕；阿勇留意到阿智既反應，少少反左一下白眼，眼神中閃過一絲不甘。


我看在眼裏，大概對距地之間既關係心裡有數。


青少年們既小圈子果真複雜。


點都好，終於搵到制住靚妹既方法。


都搵到個制得住靚妹既人：我默默望住阿彩。


「妹妹你叫咩名啊！」阿彩滿臉熱切咁問。


「我無名，只有編號！」聽得出靚妹想要敷衍過去。


「咁啊？編號咁難聽！監犯咩！」


靚妹有一絲不祥既預感。


「我幫你改個名啦！」阿彩滿臉熱切咁望住靚妹。


「唔......唔使啊！」靚妹睇落好不知所措。


「見你的的飾飾咁，就叫小豆啦！」阿彩無理會靚妹講既說話，自顧自咁講落去。


「咁老套......」靚妹呢喃道。


但係阿彩無說話，一直用熱切既目光睇住靚妹。


「唉好啦好啦！小豆就小豆啦！」


靚妹完全無法招架。


「小豆！」阿彩心滿意足咁叫喊住。


「係啦係啦！」靚妹無好好氣咁話。


小豆，呢個名倒係不錯。貼切便利又易記。


「嘿，咁點解唔叫小豆丁呢？」阿勇冷不防打趣般揶揄。


比阿彩狠狠咁樣瞪左一眼。