本來諗住對付班電話cold call, 點知攪到自己爭d無命: 9

「鳳凰號聽命，即刻變火鳳凰！」

「收到」

吓！乜真係有鳳凰號㗎！

個機艙溫度突然急劇上升，轉眼變到好似蒸籠咁，但我著緊個件雨褸原來有溫度調節，個d冷氣源源不絕，個人即刻涼番晒。

「第五小隊唔知係咪出左事！」靚女把聲震晒。





「仆街，班撚樣射寒冰鎗呀！」

「屌！」

個機艙好似八級大地震咁，起勢咁chok. 跟住好似有股強烈寒氣吹入嚟，好似玩緊十級冰火。我個人依家攪到天旋地轉，好想嘔。原來虛擬世界一d都唔虛擬。


「佢哋d意念彈好………」靚女未講完已經不支倒地。

其餘個個好似抽晒筋咁倒地。





個機艙個溫度已經變到好凍，我成身打晒冷震，見到佢哋倒晒地，我覺得我好快會死。

但係，我重有好多嘢未做喎，層樓未供完，老豆老母未享福，我重未結婚喎。我無端白事死係呢度，好唔甘心喎。

我腦海一轉，奇怪點解得我無事。我諗，我可能有辦法脫險。但係望住d機艙儀器，我真係拗晒頭，我連車牌都無，依家重要我揸飛機？打飛機就識啫！

但依家既情況，只係一個字形容：凍。除此之外，架機已經穩定番，無chok來chok去。個班靚仔女瞓晒係地，我攞隻手指隊落靚妹個鼻，好彩重有呼吸。

我𥄫下個幾塊大屏幕，見到我架機重係比五架綠色圓咕碌嘅飛行物體前後包抄，重越飛越埋。我即刻嚇到標尿，最慘班靚仔重係拍極都唔醒。





我望住瞓起度個個綠毛仔個頭盔，突然間好好奇咁除咗佢，之後重戴咗落自己個頭度。仆街，個頭即刻痛到標屎咁滯，之後重開始乜都睇唔到咁，椿下椿下想暈低，我即刻除番低佢，即刻還番魂。

我無暈低嘅原因，原來因為我無戴呢個頭盔。我即刻拿拿淋幫其餘d人除低個頭盔，但好不幸，佢哋重未醒得番。

今翅真係仆街鳥……….