本來諗住對付班電話cold call, 點知攪到自己爭d無命: 10

個五架圓形機重係好似貼身膏藥咁，我望下個儀表板顯示Auto，我估應該係自動駕駛啦，佢哋d武器對付唔到我，但我點都要諗辦法甩身返番現實世界㗎。

個機艙溫度漸漸變番正常，我覺得呢班敵軍係想生擒我哋，之後迫我哋做電騙，唔係點解唔擊落㗎機啫，我諗。

要睇下點樣擺脫佢哋。我心諗，㗎鳳凰號實有d勁揪武器嘅，如果我轉人手控制，隨時可以殺佢哋一個措手不及。但係，個儀表板好複雜呀，d掣又無講用嚟重乜，我唔識攪點算？

我好白痴咁攞起部電話想上YouTube 睇下有無人教揸飛機，但係一攞手機，無晒訊號嘅，先諗起我去咗虛擬世界。咁即係要食自己啦！

我起勢係咁摷，見到個儀表板有粒掣有d好似手指模咁上下嘅東西，把心一橫，一嘢按落去，部戰機即刻發出一d好剌耳聲音，之後feel到室溫急劇上升。





嘩！火鳳凰又嚟啦！跟住我見到個好似操縱杆嘅物體，我諗都唔諗就將佢推前，部機就即刻標前，撞開係前邊頂住個兩架敵機。我覺得好撚爽，左右左右咁撞，見住敵機失控墜落，我興奮到係咁叫。不過我唔記得咗重有㗎敵機重係後面，轟一聲，我見到㗎敵機機頭噴咗d白色嘢出嚟，之後重好似射精咁射落我㗎機尾。本來包圍住我㗎機嘅熊熊火焰，機尾個部分即刻熄晒。

不過頭先我接連撞落咗四架敵機，個心已經紅晒，唔餚佢底，我將個推杆係咁推，㗎機即刻勁加速，彈甩晒後面架敵機。

我心諗頭先攞咗甜頭，緊係要食住個勢，我唔知點樣掉到頭，諗住𡁻低埋佢。點知一睇，成十幾架同款敵機，已經衝緊過嚟。

點夠揪呀？我又標晒冷汗。

班敵機係咁射出d應該係飛彈之類嘅嘢，我左閃右避，可惜太多避唔晒，中咗彈，劇烈一震之下，我無晒意識………..