[GL] 重遇之後: 56

被撩的人馬上如陷入石化狀態般動也不動，僵直著身子，什麼話也說不出來。過了好一會兒，她才斷斷續續地問道：「Jane，你、你講真？」
「今日生日嗰個大晒吖嘛……你唔記得嗱？」
「我、我……」
「你今日無論想我做咩……我都好樂意實現你所有嘅願望。」語畢，我故意以唇尖輕輕擦了擦情人的耳屏。
「J、Jane！你、你冷靜啲！」Tracy縮起肩膀，搭在膝上的雙手緊緊抓著身穿的白色碎花連衣裙一角。
「我好冷靜呀……」
看著那張因緊張而扭成一團的臉，我強忍笑意湊近對方，裝作想要親她。也許是感到有人靠近自己的氣息，Tracy稍微睜開一隻眼睛，曲起手臂擋在面前喊道：「你、你邊度冷靜！？你、你唔覺得有、有啲太、太快咩！？」
「太快？你係咪覺得我哋而家嘅感情仲唔夠深厚？我哋仲要等幾耐？」我垂下眉，故作失落續道：「定係……你根本就唔想？」
「梗係唔係喇！我點會唔想！呀，唔、唔係！我、我……」
衝口而出的否定讓方寸不亂的人更是驚惶失措，只見對方慌張地揮著雙手，連耳朵都被染得紅紅的。我再也無法忍耐下去，噗的一聲噴笑出來：「哈哈哈，好喇！我唔玩啦，你唔使咁緊張！我講笑咋！」




「吓？」弄不清狀況的人愣愣地張著口，久久不能說出一句話來。
我曲起手指彈了彈對方鼻尖，「我話我係講笑，我只係想整蠱你！」
Tracy一臉問號，不停地眨著眼。過了片刻，她終於理解這一切只是個玩笑，無力地往後倒下，露出鬆一口氣的表情喊道：「嚇、嚇咗我一跳～～～～～～！！！」
「嗱，係你開始先嘅，我只係配合壽星女啫。」
躺在沙灘墊上的人拿起放在身旁的草帽遮去大半邊臉，只露出一隻眼睛，朝我投以怨恨的目光：「頭先啲嘢你喺邊度學返嚟嘅？」
「嘿嘿，有無成功嚇親你先？」
「你話呢！」
「嘩！好痛！」
Tracy用力地捏了一下我的手臂，強烈的痛楚令人禁不住大叫一聲。她笑罵了一聲活該，然後又牽起被捏的那隻手，輕聲說道：「不過……我頭先雖然係俾你嚇親……但係我本身並唔抗拒……同你再進一步呀……」
「……」雙頰倏地如火燒般滾燙，我無法直視戀人的雙眸，難為情地別過臉去。




「雖然可能係再過一排之後嘅事……到咗嗰個時候，你無得好似啱啱咁，用講笑嚟過骨㗎啦？」
「……」掌心下的手異常溫暖，讓翻騰的內心好像也要跟著燒起來。
「嘻嘻，你做乜唔拎轉頭望我？」
我沒有回答，只是漲紅著一張臉呆望即將步入黑夜的天空。Tracy邊以拇指揉著我的手背，邊若有所思地問：
「Jane，你仲記唔記得你之前曾經問過，我哋關係嘅終點會喺邊度？」