返去兩年前就真係會有用咩？: 第五章-busking

話咁快星期二就到咗，練習嗰啲嘢全部自己喺屋企做曬，只要唔緊張正常都good show。咁啱嗰日網課早咗完令我哋可以早啲走，我同阿穎12點去咗旺角東度食咗碗拉麵，不得不說真係幾貴，差唔多80蚊一個人。之後差唔多一點嗰陣我哋就行返上去旺角東地鐵站門口嗰度搵我表哥攞器材busking，而我哋busking嘅地方就係喺個地鐵站出口嗰邊。明明今日係平日，偏偏都幾多人搞到阿穎有少少緊張。好彩我以前都玩唔少show所以還好，見佢咁驚我緊係要身先士卒啦。
我：「我唱一首先啦好冇？」我輕輕力拍下佢膊頭然後好溫柔咁同佢講。之後佢就點頭示意好。然後我就開始自彈自唱我嘅飲歌「綿綿」。
和你也許不會再相擁 （當初我同你講我要放棄我就知道自己唔會再有機會同你交流）

大概你的體重 會抱我做夢（你講嘅嘢、做嘅嘢我只係可以係夢入面回憶）

從前為了不想失約 連病都不敢痛（有機會同你出去嘅話，就算有病定係無錢都唔會理）


到哪一天 才回想起 我蠢（到我追你追得好攰嘅時候突然覺得自己好傻）







和你也許不會再通宵（同你再通宵傾電話打機去到3-4點已經冇可能）


坐到咖啡酸了 喝也喝不掉（有時諗返起你就會耐到咖啡都酸埋）


從前為你捨得無聊 寧願休息不要（以前傾電話就算無聊到只係睇你直播部iPad睇片睇ig我都唔會想去瞓教）


談論連場大雨你窗台漏水 不得了（有時會傾下你屋企有啲怪聲搞到你好驚、有時又會講你跌親好痛）



從來未愛你 綿綿 可惜我愛懷念（我好想呃自己我根本冇鍾意你，等我唔好咁痛苦，但係我阻止唔到自己去懷念返我哋美好嘅回憶）






尤其是代我傷心的唱片（尤其係你）


從來未愛你 但永遠為任何人奉獻（明明我一直嘗試呃我自己，但係偏偏我一直要靠追唔同嘅女仔去麻醉自己）


從來沒細心數清楚 一個夏雨天
一次愉快的睡眠 斷多少髮線（我一直冇去數需要靠我失眠幾多日，先可以換嚟一次瞓得安樂）
….
我一直唱一直諗住每一句嘅意思，唱到最後先回復返個情緒。唱完之後我望返阿穎，見到佢好似好陶醉咁然後
穎：「你唱得好好聽呀，全靠你我無咁緊張啦。」佢好溫柔咁同我講，我嗰下眼淚突然唔小心滴咗出嚟。
之後佢就開始唱you belong with me，呢首係我最鍾意聽佢唱嘅歌，因為佢每次唱都好似好開心咁，令佢美妙嘅歌聲再昇華左唔少。之後再我同佢一人一首咁，好快就差唔多3點，我同佢就決定唱埋最後一首「好好戀愛」呢首係合唱歌。我同佢以前都有一齊唱過，不過嗰陣唱勁仲係好差，今次希望會好聽啲啦。





男：共你相識三千天 我沒名無姓
慶幸也與你逛過 那一段旅程
曾是日夜期待你 施捨一點同情
我對你是固執 做夢或太熱情
女：在世上 是你始終不肯退後遺忘我 感激你心意
但情人比知己分開更易 怕我愛上你 壞了事
男：完了吧 如無意外 從今開始 該好好戀愛
放下從前一段感情 才能追求將來 你就似沒存在
女：完了吧 然而你不在 情況未像幻想般變改
告別從前總是不易 原來假如只得我在 我竟未能覓尋下一位至愛
…
唱完之後有個由我唱綿綿嗰陣就已經喺度嘅阿叔行咗過嚟
叔：「兩位你哋好呀，我睇你哋應該都只係中二中三，但係兩樣嘅唱功都幾有水準，首先呢位先生嘅綿綿可以話係入心入肺而且伴奏嘅技巧都相當唔錯、呢位小姐嘅you belong with me嘅活躍特色非常有趣。呢張係我嘅卡片，如果你哋第時想行音樂呢條路就打俾我啦。」佢講完就行走咗。不過我同阿穎聽到呆左，之後再望下張卡片，個阿叔係環球唱片嘅老闆。
我同穎：「wtf!!!」
嚇親完之後就等我表哥幫我攞返佢啲設備。搞掂曬之後




我：「我送你返去好唔好呀？」
穎：「em..好啦」佢諗咗一陣就應承咗，只後我就同佢一齊搭巴士送咗佢返去。其實我知佢住邊區只係唔知咩屋苑。坐咗半個鐘車之後終於到咗佢屋企樓下同佢講完拜拜之後本身就諗住走
穎：「喂，今日好好玩呀，我會期待下次同你出去會係做咩㗎啦。」佢笑住咁講之後就慢慢行入去佢棟大廈
我：「下次一定都會係好好玩㗎，你慢慢期待啦。」佢臨行到入到之前我就好大聲咁講。
佢回頭笑一笑就走左。
之後我用左差唔多兩個鍾先返到屋企。返到去我睇返今日啲片，我不自覺地感嘆終於補返我冇同佢一齊表演嘅遺憾啦，我一定練琴練唱歌終於冇白費。仲要今日終於第一次送到佢返屋企。開心完之後就要繼續準備個禮物啦，希望一個星期內就可以搞掂啦，好快就復課，之後就送唔到俾佢，睇怕要通宵返幾晚。


（呢一張嘅歌詞翻譯意思全部都係我自己嘅諗法，每一個人對一首歌嘅歌詞都有好多唔同嘅解釋，所以唔需要太過執着對與錯，自己覺得係呢一種意思就可以）