當我同朋友離家出走去左異世界: 第15章 逃走

「卡勒卡勒……」可能係因為牆嘅體積太大，所以沈沈控制佢嘅時候有啲浮動，令佢同條路摩擦，產生聲響。

「得啦！得啦！」高日維激動咁大叫。

牆後面係一個好似升降機咁嘅空間，我地幾乎冇猶豫就行左入去。首先行入去嘅係高日維、阿賢、方書文佢地三個，而我同沈沈就係唸著最後先入去。

佢地三個已經行左入升降機（我暫時稱之為升降機）我同沈沈正想一齊行入去，升降機就好似真嘅一樣，竟然好快咁升左上去。

我同沈沈連忙煞住腳步，冇行到入去，如果唔係我唸我地兩個會被㗎升降機向上升嘅力量切開兩半。





我同佢對視一眼，靜默片刻，我首先開口：「佢地會冇事，係咪？」

沈沈點左下頭，認真咁話：「係。」

既然佢同我留喺度，即係我地暫時冇危險，而其他人都會安全返去地面。咁即係我可以趁而家問下佢，究竟佢係咩人。

「你係邊個。」我雙眼望住佢，帶試探同疑惑咁問。

「我暫時唔可以話俾你地知…但係你地之後一定會知道。」沈沈個樣好似係掙扎緊好冇將「佢係邊個」呢個問題嘅答案話俾我知。





「好。」我知道強迫沈沈講出嚟嘅話，只會造成反效果。

「但係我地而家點返上去？」我轉移左去另一個問題。
沈沈撇左下啱啱有升降機嗰度，我先發現部升降機已經返左嚟。

我地行左入去，升降機就即刻向上升，差啲搞到我企唔穩，好彩沈沈扶住我。

升降機去到最上面又係一幅牆，我差啲以為我要同沈沈一齊被佢壓扁，不過係個升降機撞上去之前大約兩米，就停左，跟住頭頂幅牆都慢慢向橫打開，露出幾個人頭——係阿賢、高日維、方書文佢地。

佢地見到係我地，即刻伸手幫我地爬上嚟。





阿賢話：「仲以為你地出唔返嚟呀！」

高日維同方書文都點頭附和。