當我同朋友離家出走去左異世界: 第9章 鳳凰

[size=150]我一下子接受左幾個信息，暫時疏理左下，但係隨著啱啱楚嵐嘅話語，更多嘅疑問彈左出嚟。

究竟點解會出現呢個異世界？

點解佢淨係搵我？

佢又係咪人？

等等等等嘅問題一發不可收拾。但係望住隔離左右全部都訓緊覺嘅其他人，我都係默默返返去我個帳篷度訓覺。雖然我大腦仲不停唸緊啲問題，但係都不知不覺訓著左。





第二日早上。

我睜開眼，發現已經係第二日早上，我隻錶仍然係冇郁過嘅狀態，但係根據我嘅生理時鐘同埋個太陽，而家應該係早上九點幾。

我行出帳篷，發現沈沉已經起身。我忽然記起沈沉好似同呢個異世界有住某啲聯繫⋯但至少我可以肯定佢唔會害我地，所以我暫時將審問沈沉嘅唸法拋諸腦後，因為如果佢同異世界有聯繫嘅話，都有機會幫到我地。

「早晨。」我同望住石頭發夢嘅沈沉講。

「早晨。」佢回過神嚟，答。





多年嚟養成嘅默契令我地即刻進行左下一件事：叫醒其他人。

「咩料啊，我食緊大餐啊，做乜叫醒我？！」

「靚女⋯傅綽希！你點解會出現喺度？！」

「大佬啊⋯你乜水啊⋯⋯」

唔同嘅「起身語錄」此起彼伏，但至少佢地都醒晒。





「嗱嗱臨啦！」我話，跟住叫高日維整左幾個麵包比我地做早餐。

幾分鐘之後，我地食完早餐，跟住極速執好嘢，上路，啊唔係，係探索森林。

面前除左樹，仲係樹，無論係參天大樹定係一棵細細嘅草，全部都係花草樹木。

「我地行去邊呀？」阿賢東張西望左兩眼，決定將選擇權交比我。其他人都懶得選擇，全部望住我。

「呢邊囉⋯⋯」我求其指左個方向，但係對眼望住沈沉。佢好似有啲想制止我，但係最終都係冇出聲。

「Ok！」全世界即刻向我指嘅方向出發。

行左冇耐，忽然好似有一陣大風喺遠處飄嚟，令我地頭髮都亂晒。我地感覺到陣風好似係喺頭頂上面過嚟，所以抬頭望——

個天…有隻鳳凰飛過！