當我同朋友離家出走去左異世界: 第6章 探險
於是我試下使出沈沉嘅能力——我專心致志咁望住唔係好遠嘅幾條草，跟住過左幾秒，嗰幾條草就以音速飛過嚟我對手度。跟住又試下讀心，然後就聽到阿賢心唸：咁勁嘅⋯⋯再之後我又試埋強化弱化、同埋變支水出嚟，都成功左。
「我嘅能力應該係複製人地嘅能力，但係我未見過嘅能力就複製唔倒，而且就算複製左，能力都會減低。」我總結話。
「咁把炮㗎⋯⋯」高日維話。
「咁我地而家，係咪應該解決下糧食問題？」阿賢話，同時佢個肚傳出「咕嚕咕嚕」嘅聲音。
「Ok。」我同埋高日維對視一眼，一齊講。
跟住我地兩個分別變左五支水、五包餅乾、五包薯片、五個碌好左嘅杯麵、五個背囊出嚟。
咁啱我地放學之前係上體育堂，所以唔洗換衫。
「不如你地兩個變把槍出嚟呀？」阿賢話。佢都係一個槍迷。
「Er，都得嘅，我地試下。」我同高日維講。
「我要長刀。」沈沉冷不防地說。
「哦，得。」我話。
跟住就變左4把手槍，同埋一把長劍出嚟。
但係原來高日維都變左槍出嚟⋯不過佢變嘅係步槍，基本上冇衝突，而且佢仲配左一把匕首比沈沉。
「後備彈藥。」沈沉忽然間提醒道。
「係喎⋯⋯」我地竟然唔記得左要預備後備嘅彈藥。
喺阿賢教緊其他人點用槍嘅時候，我坐低喺一邊唸：點解，我覺得沈沉好似乜都知咁⋯⋯
過左一陣，我地就唸著行入去嘅雨林度探險。
都話「望山跑死馬」，我地就好似隻馬咁，馬不停蹄咁行左3個鐘，先至到達雨林嘅外圍。
我地再抬頭望嗰陣，天空已經黑左，望左眼錶，先發現隻錶一早停左。我唸可能係呢度有啲磁場問題。不過睇嚟而家都有下午六七點。