當我同朋友離家出走去左異世界: 第5章 超能力2
「都話㗎啦！」高日維得瑟道。
「等我試下先。」阿賢話，「隱身⋯隱身⋯隱身⋯我有冇隱身呀？」佢問我地。
「冇喎⋯⋯」我答。
「咁試下其他嘢先，讀心⋯讀心⋯讀心⋯⋯」呢喃左陣，佢忽然打開眼，大聲話：「高日維！你仲想變多本寫真集出嚟呀！？」
我地根本就冇人聽到高日維講過啲咁嘅嘢，唔通佢嘅能力真係讀心？
「你點知㗎！？」高日維超驚訝咁問。
「唔係喎，你地個個我都讀到心，但係對深沉冇反應喎。」阿賢再合埋對眼試左幾次，都係唔得。
「會唔會深沉嘅能力就係唔比人知佢唸乜？」方書文疑惑咁問。
「唔會掛⋯⋯」我話。
而家沈沉個樣竟然好似有啲無奈，佢話：「我只係心如止水，冇唸嘢姐。」眾人沈默。
「好啦好啦，跟住到邊個試？」高日維同阿賢呢兩位擁有超能力嘅人講。
「我嚟呀！」方書文罕有咁露出期待同興奮嘅表情。
「強化弱化⋯⋯瞬間移動⋯⋯隱身⋯⋯飛天⋯⋯」佢睇嚟係想大包圍，乜超能力都Up一次。
「大佬！我啲超能力比你搞到冇左啊！」高日維忽然間大聲叫。
「吓！？咁唔通我嘅能力係弱化？！」方書文都幾驚喜。
「我想話呢，你連我都弱化埋呀。」阿賢個樣好無奈。
「Er，咁我試下強化返你地？」方書文有啲唔好意思，連忙再呢喃：「強化⋯強化⋯強化⋯⋯」等左陣，佢再話：「而家呢？」
「得啦得啦！」阿賢同高日維同時講。高日維面前再出現多左本寫真，而阿賢就話佢已經可以聽到我地心入面唸乜。
「OK！咁⋯到深沉？」今次到佢地三個有超能力嘅人一齊講。
話咁快，沈沉拎起隻手，對眼帶著鋒利嘅眼神咁望著五米之外嘅石頭，咪左一下眼，石頭即刻以光速飛到佢手中。
「哇，深沉果然係深沉，咁就掌握左佢嘅能力。」眾人驚嘆。
「咁⋯到我啦。」搞左一輪，終於到我啦。
我喺心入面默念超多唔同嘅超能力，但係Up左一陣都仲係冇反應，忽然間，我唸起某一本書入面寫過嘅某一種超能力——複製人地嘅能力。