急需二百萬個人俾錢我贖身: 【15】

【15】
 
 「會長唔可以殺死我。」我嘴角上揚，「我唔知你策劃呢次行動嘅時候，有無調查過呢度每一位學生嘅身份。其實我相信你用咁大嘅資源去做呢件事，背後嘅集團應該唔簡單。所以，你有查過我係咪？」我試探地問。
 
「你覺得你嘅身份值得我去調查？」會長平靜地說。
 
當一個總是以泰若自如的微笑去應對環境的人，忽然平靜嚴肅，代表發生了一些他控制以外的事情，Out of Control。
 
「如果你真係有查過，你應該知道我喺機械工程方面係個天才？」我徑自說，邊將一條導線綁在陳欣怡的頸環上，另一端則綁在我的頸環上。
 




「然後呢？」會長開始不耐煩。
 
「然後你又錯過咗殺我嘅機會，其實你根本就唔想殺我係咪？」我洋洋得意地說。
 
剛才在我綁線的時候，他大概有機會把我殺死，那我就沒有機會在之後的時間中威脅他。
 
「條線係想點？你知道陸欣怡係我哋嘅人，而佢嘅頸環係無引爆嘅功能。」會長所擁有致命的好奇心，令他又錯過了一次殺死我的機會。
 
因為在回答他之前，我做了最後一個動作，就是將條沾滿酒精的圍巾圍在陸欣怡身上，「無錯，裝置完成。而家開始，只要你引爆我，陸欣怡亦都會被燒死，而且係即刻。」
 




「盧加尚！」會長嚴肅喊出我的全名，然後又嘆了一口氣，說：「你有無諗過呢次行動裡面，其實我無諗過我哋全隊人都可以全身而退？」
 
他言下之意，他是可以放棄陸欣怡的。
 
「你可以放棄你哋其中一個Partner，但係我呢？」我充滿自信。
 
「你太高估自己。」會長肯定地說。
 
「你引爆我，對你百害而無一利，你俾我上嚟六樓，對你無害不特止，仲會令你帶嚟收益。」我誠心說，「雙贏係最好。」
 




會長發出一聲笑，語帶佩服說：「比起出面班談判專家，你更加專業。好丫，你帶埋陸欣怡上嚟，但你身邊個工作人員一定要死。」
 
我愣住了一下，望向工作人員。
 
「可唔可以唔死？」我問。
 
「佢違反咗規則，除低咗扣針。保護好扣針，係我哋同佢哋之間嘅規則。」會長無奈地說。
 
「我都係違反咗規則，你頭先唔即刻引爆我？」我問。
 
我彷彿看見會長一副傲慢的笑容，他說：「你，我見唔到你犯過任何規則，你只係一個俾我哋工作人員脅恃嘅人質學生。」
 
「佢嘅扣針唔喺佢身上，佢嘅制服都唔喺佢身上，你覺得佢可以脅恃到我咩？」我說。
 
工作人員聽到我的對話，立刻退了幾步，加倍驚呆地望著我。




 
「可以，咁你將佢帶上嚟，如果佢唔上嚟，就會死。」會長說畢，然後cut線。
 
我望著手機，然後望向工作人員。
 
從進入儲物室開始，他一直怔怔地站立，一直目瞪口呆地看著我所說的話和所做的事，他對眼前的景況毫無頭緒，而身體卻一直被禁止配合腦袋裡的慌亂，直至我結束通話，抑壓的恐懼終於要爆發，這是他唯一能夠作出的反應。
 
「頭先會長話會放過你，同埋叫我同你一齊上去。」我已經連忙說。
 
他猛地搖頭。
 
「你唔信我？頭先會長親自同我講㗎。」我真誠地說。
 
他再退後兩步。
 




我望向手機，說：「會長頭先真係咁講，不如你試下可唔可以親自打俾佢問？」
 
他退得更開。
 
我索性用手勒住他的頸，嚴厲地說：「反正你無得揀，一定要跟我上去。」
 
結果他猛力甩開我的手，然後退開退開退開再退開，好像我是一隻怪物。
 
我的扣針鏡頭已經面向了他，他嚇得跌倒在地。
 
我心裡有點慌，警告說：「拿……你唔好走開呀……真係會死㗎……」我覺得自己的語氣已經是相當溫柔。當「不要走」這句從我口中一出，反而嚇得他即時起來拔腿逃跑。
 
他跑了不多於十步……
 
砰然一聲，血濺四周。




 
工作人員倒下來。
 
這是我親眼目睹，頸環是如何奪去一個人的性命。
 
因為太血腥了，我立時別個臉。
 
「會長……點解唔俾啲時間我……咁樣唔好……」淚水不由自主地淌下，我邊哭邊進入儲物室拉出一直瞪著我的陸欣怡，然後我再過去拉起工作人員的屍體，將屍體放入儲物室，關上門。
 
「喺我計劃之中，係唔應該出現犧牲者，會長點解唔幫我諗下呢點？」我說。
 
聽見我說話的人只有陸欣怡，但她無法說話。
 
「好喇，我哋出發上六樓。不過其實我覺得就算我唔用妳做要脅，會長都會俾我上六樓。」我對不能說話的陸欣怡說。
 




於是，我拆去陸欣怡雙腳的索帶，然後用司架在她的下巴。
 
「行啦，我哋上去。」我帶著陸欣怡向六樓拾級而上。
 
六樓，站著兩個工作人員，他們看到我的表情雖然很訝異，但側身讓路。
 
似乎他們已經收到會長指示，特別准許我上六樓。

-----------------------------------------------------------------------------------

如果你喜歡我的作品，希望大家可以like我IG，謝謝。

https://www.instagram.com/soldieronpaper/