【愛情/奇幻】《只能用餘光看見你》第二部曲:暗戀的餘光: 4.試鏡

愛情三因論五隻大字被寫在黑板上，眼神沉寂頂著蘑菇頭的女教師喋喋不休背書式說著這理論的一切。 


「每日起身就返學……上堂抄筆記，落堂睇筆記，你悶唔悶啲?」碟仙一臉不耐煩的說著 


我一邊抄著筆記一邊默念道 「咁係因為你用咗三日時間，如果唔勤力啲點樣追?」


「你都唔使倫理與宗教呢啲科都抄筆記呀? 又唔駛考文憑試嘅……」碟仙坐在我的枱上「同埋你都第一，追邊個啫? 而家要追嘅係鍾婉恩呀，師兄!」 






我竟然覺得他說得有少許道理，但就是很不爽。「咁關於愛情嘅理論都有用㗎。」 


「你望下個miss先啦，一睇就知係老處女，你自己話有冇用啦。」 碟仙洋洋得意地說著 


「錢卓鏗同學，你覺得愛係乜嘢呀?」女教師刻意提高了聲調，呼叫著在我身旁睡到流口水的錢卓鏗。






錢卓鏗用蒙鬆的眼睛看著老師，隨後又把眼神移到我身上。


碟仙心領神會操縱著我的身體悄悄聲說「佢問，你覺得愛係乜嘢呀。」


「Thx,Bro」錢卓鏗緩緩站起身，隨後在抽屜中拿出聖經不知在翻找著什麼。






「你知唔知我問題問咩，你搵聖經做乜嘢呀?我係問……」女教師有些不悅的說著 


錢卓鏗清一清嗓子，用誇張的語氣高聲朗誦「愛是恆久忍耐；又有恩慈；愛是不嫉妒；愛是不自誇，不張狂， 不做害羞的事……」


他的行為引來眾人的狂笑，這位女教師本就出名脾氣差，今天不知是不是月經來了忽然就開始發瘋。 


「好好玩咩? 不做害羞的事……你自己都識講，你咁樣嘅態度做學生都做唔好喇。」女教師似乎話裏有話，錢卓鏗聽到後瞬間收起了嬉皮笑臉。


「你今年幾多歲呀?」女教師一臉平靜的問著，課堂的教室瞬間沉寂起來。






 「17……」錢卓鏗低頭說道。


「佢今年幾多歲呀?」女教師再問 


「15……」


碟仙不解地問道「佢哋講緊乜嘢?」


「不做害羞的事……你知唔知醜㗎?」 女教師用近乎輕蔑的態度說著 






「反正呢度冇咩人唔知，要講咪講囉，係呀，我係搞大咗人哋個肚，但係唔代表我唔愛佢。」 錢卓鏗雙眼泛紅，字字鏗鏘的回應 


女教師似乎也不知怎樣反應，只好轉移目標「你同我企度落堂為止，鍾婉恩!我鬧咁耐你繼續趴喺度咁耐? 咩意思呀?」


鍾婉恩一臉蒼白的說著「對唔住miss，我有啲唔舒服……」 


「大曬?我唔舒服係咪可以唔教書? 起身答咗我問題先。」女教師說


碟仙忽然搶過身體控制權，緩緩脫下眼鏡站了起來「老師，我答。」 






「你想點樣呀?!」我驚訝道



全班的目光聚焦在我的身上，在沉默片刻後，碟仙拿起水樽喝了一口水，然後終於開口「愛……是永不死~穿過喜和悲……跨過生和死!!」


「有著我，便有著你，千個萬個世紀~」他忽然唱起張學友的愛是永恆，水樽當作麥克風，對著鍾婉恩自信地唱著。


「你搞乜嘢!?」我正想斥責他的時候，在那一瞬間，她笑了。


「白痴」她輕輕笑著說了一聲 






而老師正想開口之際，他又開口說道「Sorry miss，我只係想講，愛，就係應該面對咩困難都笑著面對。人總係會有拗撬，總會有唔開心嘅時候，總係會有厭倦嘅時候，呢個時候更加要冷靜，互相包容。 兩個人努力維持唔想討厭對方嘅心，就係愛。」


話畢，全班同學鼓起了掌聲， 女教師似乎被他這番話平復了情緒「你哋坐返低，錯唔曬，但係愛，唔係淨係得把口講，套用埋理論就更加好，大家留心啲聽書……」 


我戴回眼鏡坐下，碟仙一臉自滿地說著「你睇下，淨係抄書冇用嘅~要action~」 


「不過成績好真係大曬，我咁樣玩都唔使畀人罰。」碟仙笑著說 


我輕輕看一眼鄰座的鍾婉恩，她臉上依然掛著笑意，示意我靠過去……


 她在我耳邊悄悄聲說「頭先講嘅嘢幾有張力呀~但係你下次唔好唱歌，好難聽~」


 彷彿我與她的距離拉近了一些，而她的笑臉忽然轉成難受的面孔。


 「你冇事吖嘛?」我問道


「只係M到啫，冇事。」她勉強一笑，繼續趴在檯前。 


小息的鐘聲響了，秋淑儀緊張的扶著鍾婉恩到廁所，碟仙看著他們離開課室的背影說著「係表現嘅時候嚟喇，即刻落去小賣部買啲嘢水呀~三文治呀上嚟先啦。」


「但係佢都唔係M到，明明前幾日先……」我平淡地回覆著 


碟仙用著匪夷所思有又略嫌鄙視的語氣說著「你真係變態㗎喎，人哋經期都知。」


我無視他這句「同埋落咗樓下唔可以返上樓，會有風紀睇住。」


「小問題啦，行啦，Captain Marvel。」碟仙笑著說 


「Captain Marvel?」


「經期隊長呀。」


碟仙環視四周，像是尋找著什麼。隨後把目光鎖定到角落處，兩名正在聊天的同學，像是自來熟般坐在他們旁邊。「同學，借你個章用一用~」 


「Um…可以係可以，話說同班咁耐你係咪第一次同我講嘢?」帶著圓圈眼鏡的陳明慧似乎有點驚訝。


「係咩?讀死書係冇咩社交㗎啦，敬請原諒。」碟仙暗地裏嘲諷著我，一笑後面奔跑至樓下小食部。


片刻後，他把買來的三文治以及熱騰騰的維他麥精奶收在外套的衫袋內，隨後淡定自若走上樓層。


「唔好意思呀師兄……」兩名低年級的風紀攔著我們去路。


他隨即拿起剛才借來的風紀章「自己友，我要上去搵訓導。」面不改容的說著大話。


兩名風紀隨即便放行，碟仙走過他們後擺出一副姦計得逞的面孔。


「你咁熟手嘅，之前成日做呢啲嘢㗎?」 我問道


碟仙搖搖頭「好多都係我朋友教我嘅，呢啲低級職員拋佢兩下就得㗎喇。」 


「係咪之前我記憶見到嗰個……余程天?」我輕輕一問


「過咗去就唔好提，快啲拎去畀佢啦。」碟仙把身體主導權交回給我，到了樓層上剛好碰見，從女廁出來的鍾婉恩。


 我默默把東西遞給了她，她呆呆的看著我。


尷尬一秒後，她開口「……畀我㗎?」


我點一點頭 


「但係你點上嚟㗎?」她問道


在一旁的秋淑儀瞥見我手中的風紀章，馬上明瞭發生了什麼。「犀利喎，而家戲都識做，咁一陣間放學角色試鏡都冇問題啦?」 


「……試鏡?」我額頭忽然冒出一滴冷汗 


鍾婉恩補充道「我哋有個電影比賽，因為唔夠人，所以幕後幕前都係有所有成員一齊做。」


「多謝你啲補品~放學唔好縮沙，答應咗就要嚟㗎喇。」鍾婉恩莞爾一笑