市民與公主[短編]: II. 邂逅(2)

「俊哥，咁我走先，你慢慢做啦，BYE～」我眼望住阿金係我面前一路同我揮手一路行出班房。

話說因為我懶嘅關係，中文抄咗，數學抄咗，唯獨就係英文冇抄。
而今日因為我冇功課交就要留低做埋先可以走。

不過應該都唔會好耐，只係照抄，都唔使用腦嘅。

「o唔ok呀？」

「嗯？ok呀！放心啦！你走啦！」




做做下阿詩行埋嚟問我。

「我有野要留低做，你有唔識可以隨時嚟搵我架。」

使鬼搵你咩，我抄啫都只係。
不過愚蠢如我，都睇得出當中有啲答案好明顯係錯嘅。
冇所謂啦，我又唔係求高分，有功課交咪得囉。

「唔好意思，可唔可以幫下我手？」
阿詩又走埋嚟搵我。佢手攞住一張字，另一隻手指住班房後方壁報嘅高處。





「ok！」
「呢度？」

「嗯！」
「唔該晒你呀！」
「咁你繼續加油，我唔阻你喇。」

幫完手我就繼續埋頭苦幹抄功課。





「哎呀！」
抄抄下突然聽到後方傳嚟一下叫聲。
好奇心驅使我望向後方，一下我就明白晒個狀況。

我走埋去捉住阿詩嘅食指，首先輕輕力幫佢抆出刺係佢手指上嘅釘，再用清水同紙巾幫佢清潔，最後痴上膠布。
「冇事啦，好小事啫。」

「唔...唔該晒。」
「但係仲有啲痛...」

咁弱不禁風都有嘅呢個女人？！

既然係咁幫人幫到底，送佛送到西，幫佢做埋囉～

佢坐係一邊睇住我地做，而我就係其他組員嘅協助下順利完成呢一塊壁報。




做做下我都唔記得咗我份功課，不過都算，照交應該都得，個老師冇想像中咁衰。

「我走先喇，拜～」我望一望手錶就執齊野去交功課然後返屋企。