每一次扑嘢，都係一場死亡挑戰: 82

Vincy住喺柴灣，第二日訓醒，我就搭車過去搵佢。

都未上到車，淨係行到巴士站等車就已經有人認得我。

「咦！你咪琴日嗰個飛天屌西男？」

「估唔到你真人靚仔過上鏡喎。」

「可唔可以過兩招嚟，教下我點樣舔到條女噴水？」





幾條麻甩佬圍埋嚟係咁問我嘢，上到車都繼續煩住曬。

睇嚟琴日我同Mandy、Emily空中大戰嗰單嘢揚開曬。

班麻甩佬當正我係明星咁款，又影相又問嘢，煩到抽筋，最後我頂唔順，被迫提前兩個站落車。

為咗唔俾人認出，喺條街度行嘅時候，我盡量dup低頭，並拉高衫領擋住自己塊面。

行咗幾條街，再轉個彎，就嚟到Vincy屋企樓下。





就喺呢個時候，突然之間有兩條肥婆走埋嚟。

「嘩！你咪係琴日飛喺天上面扑嘢嗰位哥哥仔？」肥婆一號拉住我。

「唔係呀，你認錯人啦！」我即刻否認。

「唔係喎，真係你嚟架喎。」肥婆2號開住我俾人拍低嘅片嚟對照。

「喂哥哥仔，不如留個contact，日後約出嚟交流下啦，我地兩個都唔mind玩3p架。」肥婆1號係咁向我放電。





我望一望佢地身材，成部大貨車咁，我忍唔住答佢地：「我…我驚我啃唔落喎…」

「你咁威猛，點會啃唔落啫？」

兩條肥婆發曬姣，成個人挨埋嚟，搞到我一時企唔穩叉錯腳，成個仆咗落地下，仲要俾兩條肥婆責住。

我個額頭「咚」一聲撼落地下，痛到仆街。

與此同時，有一個人影行埋嚟，遮住咗我頭上嘅光

「Tony？」

「Vin…Vincy！」

我第一時間推開兩件肥婆，彈返起身：「hi…hi…Vincy…咁…咁啱嘅？」





「太好啦！原來你真係未死！」Vincy一時激動攬住我。

「係…係呀…我仲未死得…」我成個人硬曬軚，塊面變得好紅。

然後Vincy指住我嘅額頭話：「哎呀，你流血呀！」

我掂一掂個傷口，發現自己真係流血。

「快啲上嚟我屋企，等我止血啦。」Vincy俾張咗紙巾我，然後帶我上佢屋企。

「哥哥仔唔好走住啦！」「係囉！交換埋個電話號碼先走啦。」

兩條肥婆仲喺度死lur，我睬佢地都傻，拿拿臨跟住Vincy行上樓。





「幾日無見，估唔到你變到咁受歡迎。」Vincy講笑咁講。

「唉，唔好笑我啦。」

上到佢屋企，見到間屋無人，我問佢：「你阿爸阿媽仲未返嚟香港咩？」

「返咗嚟啦，佢地咁啱出咗去公園散步，所以唔喺屋企。」

之後Vincy叫我訓落梳化度，然後拎個急救箱出嚟，幫我消毒同止血。

我訓喺度，望住佢幫我包紮傷口，個心又忍唔住怦怦怦怦咁狂跳。

諗返起我地第一次相遇嘅時候，醫院因為大地震而突然倒塌。我地喺逃走嘅過程中，Vincy隻手唔小心俾瓦礫碎片𠝹親，我幫過佢包紮傷口。

「我塊面係咪有嘢？」Vincy一邊丟走染血嘅紗布，一邊問我。





「唔係呀…」

「咁你做咩眼甘甘望住我？」

「下有咩？」心虛嘅我即刻轉移視線，望去第二度。

「係啦，話時話，點解你無啦啦會喺我屋企樓下出現嘅？」對方問我。