每一次扑嘢，都係一場死亡挑戰: 81

阿銘俾我NTR咗我兩次，佢老豆好明顯係想幫個仔抱不平。

一返到差館，班差佬就困我入一間細房，然後開大個冷氣。

我全身赤條條，一件衫都無，俾啲冷氣吹到幾乎變雪條。

喺房入面吹咗半粒鐘冷氣，阿銘同佢老豆先至施施然咁行入嚟。

「阿仔，我知你俾人啅咗條女，條氣一定係好撚唔順。家下呢間房就得我地三個人，你想做啲咩，老豆都當睇唔到。」





我頂佢個肺！呢條老嘢竟然唆擺自己個仔行使私刑？！

「阿…阿…銘...」我個口俾人用塊布塞住咗，所以講唔到嘢。

阿銘睥住我，然後「砰」一聲，好大力咁雙手拍檯：「你知唔知你喺空中屌我條女屌咗十幾個鐘？」

「……」我出唔到聲，答佢唔到。

阿銘停一停，繼續講：「同埋你知唔知，我平時係從來都唔睇NTR題材嘅AV？因為我對呢啲題材完全無興趣…」





「仲講咁多，直接郁佢啦！」

阿銘「Shh」咗一聲，叫佢老豆唔好講嘢。

「明明我都唔鍾意睇嗰啲NTR嘅題材，但係今日...但係今日我見到你屌到Emily不停咁又高潮又噴水…我…我竟然覺得好興奮！」

我心諗我唔係聽錯下話，阿銘話佢好興奮？

「我從來都無見過Emily咁hyper嘅樣！我一路望住你插到佢欲仙欲死，我碌嘢就一路扯旗扯到恆！我真係估都估唔到，原來睇住自己條女俾第二個男人插到高潮，原來係會有一種想象唔到嘅快感！」





阿銘越講越興奮，睇嚟呢條友發現咗潛藏喺自己體內嘅NTR性癖。

正如外國有啲鬼佬，鍾意睇見自己老婆俾條大撚黑人抽插，個黑人插到越勁，佢地就越會興奮咁喺隔籬打飛機。

「阿仔你講咩呀？呢條躝癱屌咗你條女，你應該嬲到打柒佢先係喎！」

「老豆你唔明架啦，今次我一啲唔嬲Tony，因為佢令到我見識到，平時我見唔到Emily嘅嗰一面，我應該多謝佢先啱！」

阿銘唔單止唔嬲，而且仲話多謝我。

佢老豆俾佢激到面都紅曬：「阿仔你係咪受得太大刺激，short q咗呀？」

「我好理性，我好清楚自己講緊咩。老豆，既然Emily同Mandy都話唔告Tony，我睇你不如都放走佢罷啦。」

真係估唔到阿銘居然咁通情達理。





「就...就咁放佢走？」

「當眾露械、當眾扑嘢呢啲咁小事就由佢啦，至於佢撞爛酒店玻璃同整凹人地巴士車頂，呢啲賠錢就得架啦。」阿銘勸佢老豆放我走，並且拎鎖匙解開我嘅手扣。

劇情一波三折，反轉再反轉，到最後阿銘個老豆真係放咗我。

喺放我走嘅時候，阿銘仲俾咗兩件衫我笠住，等我唔使光脫脫咁行出街。

我從阿銘身上真真切切咁感受到一股襟兄弟嘅情誼。

我好感激佢，佢亦都好感激我。

無驚無險，離開差館之後，我終於都可以返屋企。





經歷咗咁多事，試過抽插一萬下，又試過死過返生，之後仲要變埋超級性愛戰士，呢一切感覺就好似發咗場夢咁。

而過程之中，我遇到咗一個好重要嘅人。

呢個人救過我一命，亦都無條件咁收留過我。

對我嚟講，同佢相處嘅嗰段短暫日子，係我人生最快樂嘅時光。

我講緊嘅呢個人就係Vincy。

我同Mandy、Emily喺空中扑嘢呢壇嘢咁轟動，一定有人拍片擺上網，甚至新聞應該都有報。

唔知Vincy見到呢啲場面會有咩反應？

然而我同佢都算係相識一場，既然自己無死到，或者我都應該親口同佢報一聲平安。畢竟海洋公園嗰日佢都在場。





打開電話嘅通訊錄，碌咗一陣先發現原來自己無對方電話。

當時我地住埋一齊，好似又真係無問過對方拎電話號碼。

好彩我知道佢屋企喺邊，不如索性直接去搵佢。