每一次扑嘢，都係一場死亡挑戰: 83

「Er…我見自己死唔去…咁咪想同你報聲平安…不過又無你電話…所以咪過嚟柴灣搵你…」我回答對方。

「哦~原來係咁~」

「話曬嗰日喺海洋公園你都在場，係生係死我諗都應該同你講聲嘅。」

「嗰日真係嚇死我，Mandy同Emily佢地完全唔留手，招招都打你要害，當時我真係以為你無命。」

「如果我唔係遇到天使，我諗我應該死咗。」





「天使？」

「係呀，有個天使救咗我……」

我將遇到天使嘅事，仲有天使訓練我成為超級性愛戰士嘅過程，包括高潮之力嘅事，逐一講曬俾對方知。

「所以你琴日同Mandy、Emily佢地飛天遁地喺天上面搞嘢，就係想用一萬次高潮嚟令到佢地原諒你？」Vincy果然都睇過網上面流傳嘅嗰啲片。

「係呀，好彩呢招最後都work，Mandy同Emily佢地到最後總算原諒咗我。」





「嘩...一萬次高潮...我想象唔到會係一種咩嘅感覺...」

「莫非…你都想試？」我問。

「梗係唔係啦！飛到上天咁高，我先唔制！」

止咗血之後，Vincy攞咗塊膠布，幫我簾傷口：「唔好郁，我幫你黐膠布。」

對方哄近埋嚟幫我貼膠布，我就好聽話，乖乖地訓喺度唔郁。





雖然身體唔郁，但我個心卻怦怦、怦怦咁狂跳。

對住Vincy，我無法抑壓心動嘅感覺。

我雙眼望住Vincy，Vincy雙眼望住我，呢一刻我地好近距離咁四目交投。

而就喺呢個氣氛曖昧嘅時刻，外面傳嚟開門嘅聲音。

Vincy老豆老母返咗嚟。

佢地一入門口，見到我訓喺度，Vincy又哄到咁近，以為我地喺度打茄輪，當堂嚇一跳。

以免引起誤會，我即刻起返身，Vincy亦立即坐返正個人。

「阿女，呢個位係...？」Vincy老豆行過嚟問。





「呢個係Tony…佢…佢係我朋友。」

「係朋友定男朋友？」Vincy老豆好似外父睇女婿咁，由上而下，再由下而上咁打量我。

我感覺有啲尷尬：「世伯、伯母你地好，時候都唔早，我諗我都係走先，唔打攪你地啦。」

「咁快就走啦，唔坐多陣先？」Vincy老豆同我講。

「唔啦，費事阻住你地啦。」我從梳化企起身，跟住feel到褲浪突起咗。

我、Vincy同佢阿爸阿媽嘅目光，不約而同咁移去我嘅下半身。

一定係頭先同Vincy對望嘅時候扯咗旗，本來尷尬嘅場面當堂變得更加尷尬。





我面都紅曬，拿拿臨掩住下面走人。

當行出門口嘅時候，Vincy叫停我：「Tony咪行住！」

我停低腳步，跟住對方行埋嚟，攞支筆喺我手掌上面寫住八個數字：「呢個係我電話號碼，你以後記住啦。」

98872233。我接收咗Vincy嘅電話號碼，然後就離開咗佢屋企。

一路望住手上呢八個數字，我心情感到非常愉快。

我喺度諗，Vincy主動俾佢個電話號碼我，莫非佢都鍾意我？

只但係，頭先佢介紹我嘅時候，只係話我係佢嘅朋友，並唔係男朋友。

唔通又係我諗多咗？





Um…不過又諗深一層，雖然我鍾意Vincy，但我對佢又好似未曾有過任何表示。