每一次扑嘢，都係一場死亡挑戰: 67

我用雙臂同腳尖作支撐，保持心口離地咁伏喺地上面。

「個姿勢做得幾好。」個天使呢頭讚完我，嗰頭又撻一下手指。

跟住下一秒，我feel到背脊好似俾一舊大石壓落嚟，成個人當堂趴咗落地下。

「你…放咗啲咩嘢…喺我背脊？」我全身上下包括成塊面，都緊緊貼住喺地面，感覺慘過俾鬼責。

「我無放嘢上你背脊，我只係增加咗呢個空間嘅重力。」





「咩…咩話？」

「依家喺呢個空間嘅重力係地球重力嘅一百倍。」

聽到天使呢句說話，我真係嚇咗一跳。

無記錯嘅話，《龍珠》中嘅「精神時光屋」，裡面嘅重力好似都只係地球嘅十倍，家陣呢個空間竟然係一百倍。

莫講話做平板支撐，我家下直頭係feel到個身同啲手手腳腳扁咗2、3cm。





「搞唔掂呀，我頂唔順！」我向天使求救。

對方唔忍心見我被壓到變柿餅，於是好快就解除咗100倍嘅重力。

「依你嘅情況，睇嚟我地都係循序漸進，一步一步練上去比較好啲。」

「咁你覺得我要練幾耐？」我問。

「三日。」





「真係三日就得？」

天使點點頭：「呢段時間只要你不眠不休，努力不懈咁鍛煉，一定可以變成超級性愛戰士！」

我聽信對方嘅說話，喺接落嚟嘅三日傾盡全力去配合訓練。

除咗以上三項訓練項目之外，對方仲提供咗其他方法去提升我嘅大髀肌力、手臂肌肉量，同埋賓周堅硬度及持久度。

例如喺100倍重力下做撐艇機、掌上壓，仲有龜頭頂大石等等。

每一樣都係好攞命，我只可以講，呢三日係我人生中過得最辛苦，亦都係最漫長嘅三日。

嗰種感覺好似係過咗三年咁耐。過程中不停係咁操係咁練，我心入面試過唔止一次想放棄。

但為咗成為超級性愛戰士、為咗令Mandy同Emily原諒我、為咗再見Vincy一面，我咬實牙關，堅持捱到最後。





經過咗一番艱苦嘅訓練，我終於都脫胎換骨、破繭而出。

唔單只喺肉體上得到升華，而且我仲學得馭女三十二式嘅全部招數。

舌頭、手指、賓周、腰、大髀、仲有身體其他地方，都已經進入一個最top fit嘅狀態，亦都準備好為高潮而戰鬥！