每一次扑嘢，都係一場死亡挑戰: 68

喺學滿出師之前，例牌我都需要展示一次自己嘅實力。

當初天使叫我用條脷舉起80KG槓鈴，依家我直接舉起160KG都不成問題。

仲有用手指拉郁架雙層巴士，依家我單手用兩隻手指，輕輕一勾，就可以拉郁架車行，甚至拉住佢行20米都面不改容。

第三樣係喺100倍重力下做平板支撐，之前我連頭都抬唔起，但依家撐起個人keep住30分鐘都不成問題。

咁當然，我可以做到呢啲嘢，除左苦練之外，亦都有一部分係出自於高潮之力有加成。





準確啲講，可以話係神力加潛力再加努力結合而成既成果。

「恭喜你！你嘅苦練無白費到，你終於都成功變成一個超級性愛戰士！」天使豎起手指公嘉許我。

雖然我依家變成性愛戰士，但其實仲有一個疑慮。

「魔鬼嘅靜止之力消失咗，除咗相應嘅限制都消失之外，咁連隨嗰個金身狀態係咪都無埋？」我問天使。

「係。」





「咁就弊啦，Mandy同Emily佢地識得武功，無咗金身我就算操到幾fit都頂唔順架喎。」

「乜你仲未發覺你嘅身體有咩唔同？」天使掃視咗我全身一眼。

跟住我都從下到上由腳底望上心口，終於發現自己嘅身體散發住一道微微嘅白光。

「點…點解會咁嘅？」我問。

「當你身體達到超級性愛戰士嘅標準，再加上我嘅高潮之力，兩者結合就會令你進入所謂嘅『聖光狀態』，喺呢個狀態之下，你唔單只刀槍不入，更加可以飛天遁地。」





「哦~原來呢個就係『聖光狀態』。」

天使喺教我馭女三十二式嘅期間其實有提過，不過當時佢就無實際講過個全名，只係話過我會進入非一般人嘅狀態（因為當中涉及一啲非正常人做到嘅招式）。

估唔到呢個名聽落都幾有型。

我再認真望一望自己嘅副偈，斷續之間，身體透出陣陣白色嘅聖光。

「好啦！時間都差唔多，你都係時候出關實戰啦！」

隨即，天使解除咗「精神時間屋」嘅空間狀態。

晃眼間，我返到嚟自己屋企。

「最後我要提醒你，高潮之力喺人間只能維持一日，一旦失去高潮之力，咁聖光狀態都隨之消失，所以你最好就喺一日之內搞掂兩條女。」





「一日之內？」

「短就係短啲，不過我對你有信心！我知你一定可以用高潮嘅快感以及真誠嘅道歉，令Mandy同Emily原諒你！」

「望就咁望啦。」

「我幫得到嘅都幫到盡架啦，接落嚟就睇你自己嘅造化，加油！」

「嗯！我會架啦！」

天使同我打完氣，然後張開翅膀，從窗外飛走。

一日時間係就係有啲短，但呢刻嘅我身為超級性愛戰士，能人所不能，一日時間絕對係綽綽有餘！





Mandy！Emily！我嚟啦！