《是咁的，我係做極極尼嘅卡通公仔》: 第五集

隨住啲同胞專才拜訪極極尼，事隔三年再次成為我哋嘅衣食父母之後，成個場就即刻變咗街市，亂咁跑、大叫、打尖呢啲少不免，相信你哋最近有去極極尼都知發生咩事㗎喇！
-
令到其他遊客有個唔好嘅體驗都唔緊要喇，最大問題係對我哋都唔好，尤其我做前線著公仔衫，又搣又抽水又打。
-
小朋友都勉強可以原諒，當佢細路唔識世界，但啲大朋友呢！見到黃色啤啤熊公仔又拳打腳踢，成日都玻璃心，以為隻公仔踐踏佢大佬。
-
至於我而家裝扮嘅角色，飾演呢個充滿好奇嘅少女狐狸，托賴暫時仲未俾人打，但就成日抽水，係咁摸身摸尾都算喇！諗住攬緊啲可以抽我水，冇嘢呀嘛。
-
好彩你未摸到我下面啫，唔係就真係破壞你美好嘅幻想，以為著得意狐狸衫，入面就一定係妙齡少女，點知我係有棍嘅。
-




（待續 To be continued）

IG：chingchingstory