《是咁的，我係做極極尼嘅卡通公仔》: 第六集

知道班網民睇完又想駁我嘴，嫌辛苦就唔好做啦！
-
但我想講嘅就係，呢個樂園本身就係帶俾人希望同夢想嘅地方，入到去真係可以暫時放低現實嘅包袱，投入享受入面啲設施，同時入面啲員工都好落力營造返呢個歡樂氣氛。
-
奈何班西客大帝玩串個party，我哋做前線嘅，俾人鬧完又要即刻對住佢哋笑，鬧完繼續做嘢。跟規矩去做，又俾佢哋投訴唔識體諒遊客；放佢哋一馬，就即係縱容佢哋，令到佢哋為所欲為，導致其他守規矩嘅賓客又唔鍾意。
-
雖然呢度好難做、真係好辛苦，但見到一班對住我哋回心微笑嘅賓客、令到賓客有賓至如歸嘅咁感覺，當初見工嘅熱誠就湧上，就決定繼續落力服務令我嘅童年充滿快樂嘅樂園。
-
呢個就係我嘅初衷，相信應該都係大家入嚟做嘢嘅原因。（為咗員工折扣就不在話下！！！）
-




是咁的，我係做極極尼嘅卡通公仔，但我做得好快樂。
-
（全文完）

IG：chingchingstory