命中注定我與妳?: 42. 我是女校出世嘅男仔

終於到左bbq果一日，我著住簡單t shirt，去到嘉怡樓下等佢
 
當真佢好準時，甚至早左五分鐘落到樓
 
不過果時，我已經企左係到等佢
 
「你真係咁早嘅?」
 
「妳都唔差者」
 




嘉怡今日扎起個髮拮，點講好呢?即係有波咁樣係頭頂咁樣
 
我見到有個波，就忍唔住去篤幾下
 
「喂呀!!咪搞我個拮啦」
 
冇錯，我將嘉怡個拮整散左，而家佢要再扎過
 
佢舉行雙手去整頭髮，我見到…嘉怡佢身材都唔差，今日佢仲孭住個界波袋
 




真係好吸引
 
我地去到天后落車再行返學校，一入校門，已經有好多人準備緊
 
我帶住嘉怡去到其中一個爐到坐低
 
當我一坐低果時，就有好多女同學都住落黎
 
「Clodulf你同我地坐呀?」我俾一大班女同學圍住現場差D騷動
 




所以我又拎媽咪出黎解圍
 
「我媽咪呢，叫我好好地咁照顧妳地，所以我坐都冇所謂」
 
開始BBQ，一如以往，大家一定係燒腸仔先
 
仲要係廚師腸
 
輕輕燒一燒、擦蜜糖再辣一辣佢，搞掂!!!食得
 
嘉怡同我唔一樣，我燒腸仔食而佢就係燒丸。咁樣都有個好處嘅，我地可以交換野食
 
到我燒牛扒果時，佢就燒金沙骨
 
夜晚係學校燒野食，係別有一番風味




 
我燒到塊牛扒好多汁好香，再搽一搽蜜糖，香氣四溢
 
好多英華妹都望住我塊牛扒流口水，包括嘉怡
 
「做咩望住我塊扒呀?」我終於發現佢地流哂口水咁望住我
 
既然一大班餓鬼係到望住，我唯有將塊牛扒分俾佢地然後自己燒過啦
 
係我燒完牛扒後我開始燒雞翼
 
金黃色雞翼愈燒愈香
 
仲要係雞全翼
 




搽埋蜜糖，就燒得仲香
 
忽然係我碗中出現一舊金沙骨
 
「我用舊金沙骨換你一隻雞翼丫」
 
我同嘉怡有少少心有靈犀，因為我下一轉想食嘅，就係金沙骨
 
「好呀」我好快同佢交換左
 
我地不停燒，燒夠一堆先慢慢食
 
正當我地食果時，大家開始對我背境有D興趣
 
「係喎Clodulf，你屋企有幾多人係我地學校讀書架?」有一個女仔問我




 
我吞左舊肉，再飲啖可樂
 
「我呀?唔….我媽咪同爸爸囉，仲有阿姨…姑姐，爺爺同麻麻。家姐同兩個表姐…同埋阿嫂囉」
 
佢地幾個係到計數「嘩，即係差唔多10個啦喎」
 
「如果計埋妳地校長，就11個」
 
「睇黎你同我地學校真係好有關係喎，可惜你做唔到女校男生丫，如果你做到，一定好受注目」
 
「點會?我一定係咩粗重野都要做哂果D」
 
「不過都冇可能啦…」
 




「其實…如果我肯嘅話，係完全冇問題」
 
「點解呀?!」佢地成班一齊問
 
「點解?因為我係英華入邊出世囉」
 
「下!!!!?」
 
嘉怡碌大雙眼望住我「你話你係我地學校入邊出世?」
 
「係…係呀…妳地可以問我媽咪」
 
「果陣發生咩事?」
 
「哦…果時呀?當日我剛足月，媽咪上緊IS堂果時，就好似作動生得」
 
「但係點解唔立即叫救護車呀?」
 
「果時穿羊水啦，當日D同學嚇到立即過隔離班搵Miss Mak，之後體育sir送左媽咪去醫療室，之後我個頭就出黎，所以被迫去隔離搵兩個診所醫生同埋救護員黎接生」
 
「咁Miss Lam用左幾多時間生你呀?」
 
「30分鐘」
 
「咁快!!!!?」
 
「喂…第三胎…好簡單者…」
 
「之後呢?」
 
「之後我同媽咪就送左去瑪麗，之後嚇到校長傻左」
 
「所以校長就俾你可以黎讀?」
 
「係校董會批准，佢地見我爺爺麻麻，爸爸媽媽、阿姨都係舊生，所以破例，如果我同意，我可以係英華讀書」
 
佢地聽到後都好興奮
 
「如果你係女校男生就好啦…我地就唔洗咁悶…」