命中注定我與妳?: 41. 早就睇穿的媽媽

返到屋企後，我去同媽咪講
 
「呀…媽咪呀?」
 
「嗯?有事?」
 
「下星期…我返學校燒野食」
 
「下星期?」媽咪係到諗一諗
 




「係…係呀」
 
「你咪去囉，冇所謂架」
 
「但….但係….」我企係到唔知點講好，媽咪見我吞吞吐吐，完全唔似平時嘅我，所有佢就諗到
 
「係咪有女仔去呀?」
 
我點一點頭
 




「有女仔去係正常社交，有咩問題?」
 
「但…但係果D…係媽咪妳D學生…」
 
媽咪望住我「我D學生?我果班嘅?」
 
「係…係呀….中樂團話想一齊燒下野食咁…所以」
 
「就係咁咋，你咪去囉」
 




「真係?妳唔怕?」
 
「怕咩?怕好似阿哥同家琪咁?」
 
我好尷尬咁點一點頭
 
「媽咪又冇咩所謂，你地後生仔女嘅事，我地老人家唔會加把咀嘅，如果唔太過份嘅話」
 
「唔….咁好啦」
 
「咁你燒完野食就要乖乖地飲涼茶」
 
「知道啦…」我最憎就係飲涼茶
 
當我想轉身走果時，媽咪又叫住我




 
「你記住幫我送嘉怡返屋企就得啦」
 
「嘉…嘉怡?」我口窒窒咁問返媽咪
 
「我知道你地兩個成日聯絡。你地點媽咪唔理啦，你地都大個，不過記住唔好搞出咩事，我係班主任」
 
「知…知道啦媽咪….不過…」
 
「不過咩?」
 
「俾姑姐知道嘅話…」
 
「慧思冇咁易發脾氣嘅，而且佢地下星期都要返鴨脷洲食飯」
 




媽咪真係好瞭解我，呢個就係我媽咪，林雪凝
 
返到房打開電腦，就已經見到嘉怡係到
 
「喂喂，果日你黎我樓下接我?」
 
「放心啦，應承得妳，就一定會黎接妳嘅」
 
突然間，我非常期待果日嘅來臨
 
我同慧思坐係泳池一邊，兩個人好無聊
 
「做咩無啦啦叫我黎玩水?」我望住係池中同我差唔多年齡嘅少女係到問
 
「咁好過留係屋企丫」雙腳浸係水，邊郁佢D腳趾邊踢水講




 
慧思望一望我嘅視線後，係水中用腳趾夾我
 
「死架你!我係到你都敢望其他女仔?」
 
「我只係望下佢地，同妳比較下」
 
「咁我好D定佢地好D丫」
 
「咁當然係妳啦」
 
我冇講錯嘅，慧思著住套粉綠色嘅三點式泳衣，加條裙仔，又真係幾殺死人。有時有男仔經過都會望一望佢，搞到佢有D唔自在，所以佢決定加返件t shirt係上身
 
因為我地今日係去堅尼地城果個泳池玩水
 




去公眾泳池嘅好處，就係可以大飽眼福。不過今日我係同慧思去嘛…..咁所以….
 
雖然我同佢唔係拍緊拖，但依舊，佢雙手都係撓到我實，好似好怕我會走左去咁
 
而且，佢呢個女漢子仲陪我望埋一份
 
「你睇果個，對波幾勁」
 
果個又真係彈彈下嘅，而我都好專注咁望
 
突然，慧思伸手去摸!!
 
「喂!!!」
 
佢望住我色謎謎咁講「咸濕仔呀你」
 
「妳…妳無啦啦摸我做咩呀?」
 
「睇下你係唔係正常囉」
 
「再係咁我摸返妳架」
 
「你敢咩?」
 
我唔敢
 
我地兩個游完水，一齊去食野
 
坐係茶餐廳內，大家各自食一份下午茶