再見，是再見還是再也不見？（重製版）: 第六話

「我….我鍾意你。」

 全場突然傳來熱烈的掌聲！
這就是手足無措的感覺嗎？
 點解晴晴無啦啦會同我表白？ 

「應承佢！ 應承佢！」  觀眾們仿佛達到了高潮

「我都鍾意妳晴晴。」 





就是咁，我地順理成章地一齊左。 

「好啦好啦，恭喜你地攞到合唱組既冠軍！」

Ocean既發言打斷左我同晴晴既對話。 

「有冇咩得獎感言呀？」
「我揀呢首歌係希望唱比每一個身處絕望既人聽。」
「呢個世界只會變得越黎越複雜。」
「活於呢個時代，大家都辛苦了。」




「希望藉住呢首歌可以寄語大家。」
「Just Carry On。」 

隨著台下的掌聲，呢一日亦都完美地結束左。

 「James，我地去海濱行下？」
「嗯。」

 放工放學時間既觀塘往往都是最可怕的，四隻字形容就係，烏煙瘴氣。
平時無論要搭地鐵定係等巴士，至少都要等多幾班車先有得上。




人多車多，更加討厭既就係邊行食煙既人，做觀塘人真係慘。 

行左大概二十分鐘，我地到左海濱之後就求其搵個位坐。 

「James，對唔住啱啱有冇嚇親你？」
「都少少啦，點解咁突然呀。」
「其實我有啲野想同你講。」
「我最近收到一封好奇怪既Email，寫住話要我完成某啲任務。」
「下？！」
「你做咩咁大反應，唔通你都有？」

 我呢一刻唔知道應唔應該同佢講。 

「冇事，妳繼續。」
「我第一個任務就係要同你告白。」




「如果唔做，佢話會有好大既懲罰。」
「咩懲罰？」「佢冇寫。」
「但係我有種不安，如果唔跟住做會發生唔好既事。」
「但係，我真係鍾意你架James。」
「如果我係度再問你多次，你願唔願意同我一齊？」
「我願意。」

 就這樣，我地正式成為左一對情侶，唔同既係，今次晴晴係做主動果個。 

「James，我媽媽黎接我喇。」

晴晴指住一架黑色七人車，今次反而到我會有一種不安感。

「晴晴。」
晴晴一面疑惑地望住我。




「你返屋企呀？」
「係呀，唔通呢。」
「會再見架可？」
「緊係啦傻瓜！」 

又是一次道別，我望住晴晴上左車先動身走人。
我攞起手機準備send訊息比晴晴。 

「你返到屋企可唔可以同我講聲？」

 妳會唔會又突然離我而去呢？

過左大約五分鐘，佢終於覆左我。

「好呀，你都早啲返屋企啦～」





 見到佢覆我，我都放鬆左啲。 
我翻到屋企打開電腦，發現有新既email。

「恭喜你完成任務，進度條已增加5%。」
「由於你未能完成隱藏任務，系統...」

我讀到一半突然覺得好頭暈，眼前一黑。

「System Error, System Error.」

「我等緊你呀...」

我最後聽到唔知邊個講野既聲音，就咁失去左知覺。