再見，是再見還是再也不見？（重製版）: 第五話
此時此刻既芷晴同阿輝係班房傾緊計。
「阿晴，妳男朋友做咩仲未返學呀。」
「就黎打鍾喇喎。」
「我都唔知，我琴晚明明叫左佢早啲訓。」
「等陣！」
「乜野男朋友呀，亂講野！」
「其實呢六年黎，你都冇feel到James係真心鍾意你咩？」
芷晴沉默不語。
「真心喎，我識左佢咁耐點會唔知佢點諗。」
「唔知...」
「咩叫唔知呀？」
「一句唔知大曬咩，佢呢六年黎大把女追。」
「但係佢都冇動搖到。」
「阿輝，其實我...」
……………………………….
「各位同學大家好！」
「我係今日既MC，6A班既Ocean。」
「而係我身邊既係Park（帕琦）。」
「我地係 Ocean Park！」
台下勉強地為這兩位主持人拍手。
「哈哈哈～睇黎大家已經好興奮喇！」
「循例都要搞返個爛gag暖下場嘛～哈哈～」
「冇錯呀Ocean，好榮幸今日做到校際歌唱比賽既司儀。」
「比賽分為個人組同合唱組～」「廢話就唔講喇！」
「事不而遲，有請我地第一位參賽者6B班既張家朗」
「佢將會為我地帶黎...」
張出場既時候，現場傳出歡呼聲，感覺還不錯。 「
陳奕迅，陣間你加油呀。」
「喂，咪笑鳩我呀，我係上面睇住你有冇笑我架！」
「話時話，James做咩仲未見人既？」
「唉，我都唔知。」
「打電話又唔聽，唔知佢做咩。」
「好啦，冇事既。」
「我去準備先，下一個到我喇。」
……………………………….
鈴鈴鈴鈴鈴，鈴鈴鈴鈴鈴，鈴鈴鈴鈴鈴。
電話的鈴聲不斷響起。
「搞咩呀，係咁打電話黎。」
我宜家處於一個模糊不清的狀態，並未察覺到事情的嚴重性。
下一秒，我開啟手機的螢幕。
”晴晴 來電 88次”
“阿輝 來電 1次”
“媽媽 來電1次”
「仆街。」
宜家係三點半，距離合唱組開始應該仲有一段時間。
睇返個Schedule，我同晴晴係最後一組。
我飛的去學校需要25分鐘，希望黎得切。
我因為趕時間所以冇覆到佢地，直接出門口。
好問題，點解我會遲起身？
因為我諗住唱完之後同晴晴表白，之後凌晨係咁諗呢件事。
搞到成晚訓唔著，點算呀！
我換完衫，9秒9跑落樓下截架的士。
好彩咁啱有架的士駛過！
「司機，香城書院。」
「行邊條呀靚仔？」
「求其啦，最快果條！」
「最快就龍翔道啦咁～」
「會唔會塞車架師傅。」
「包係我身上啦小朋友。」
就係咁，我有驚無險地係25分鐘後營業好到達學校。
「你真係好彩喇，啱啱彩虹道交匯處撞車。」
「如果你遲少少出門就真係大塞車喇，哈哈～」
「加油啦後生仔。」 抱著司機的鼓勵，我勇敢地步入禮堂。
本應該開心的我，直接絕望起來。
「唔撚係掛，已經頒緊獎？」
看著企在台上的阿輝，我心諗佢條撚樣都有獎攞？
「恭喜曬我地今次既冠軍，6C班既陳庭輝！」
「掌聲鼓勵！」
我嘗試在人群中尋找她，
係邊，
係邊，
妳係邊，
陳芷晴。
果度！
「搵到妳喇，對唔住呀，對唔住呀！」
「你終於肯浦頭喇劉，祖，迪！」
「我唔係故意架。」
「唔係故意？」
「哦。」
「我起身之後已經盡快過黎架喇。」
「最後都係趕唔切，Sorry。」
「我唔想聽到呢句。」
啪啪啪啪啪，觀眾們突然拍手，原來已經頒完獎。
「個人組已經完結，宜家就到合唱組喇！」
（原來仲未開始，嚇到我！）
突然有個人行上台同兩位司儀進行悄悄話。
擾攘了大概幾分鐘後終於有點動靜了。
「各位同學唔好意思，啱啱李主任傳來訊息話有幾組同學因為個人原因而黎唔到現場。」
「同埋想確認一下，陳芷晴同學同劉祖迪同學係唔係現場？」
周圍的目光立刻投射到我地兩個身上。
「好，有件好消息同壞消息想同你地講。」
「好消息就係，除左你地其他合唱組既參賽者全部缺席。」
「所以你地會直接變成合唱組冠軍！」
場上貌似傳來一片不滿的聲音。
「係係係，各位同學冷靜！」
「壞消息就係，你地都要上黎唱歌呀！」
「歡迎6C班既陳芷晴同學同6C班既劉祖迪同學！」
「為我地帶黎林家謙既 Just Carry On。」
我望向晴晴， 四目相對！
就係咁，我地慢慢地行上禮堂，完美地完成了這次演唱。
我地好有默契咁唱完呢首歌，彷彿呢個舞台係屬於我地。
呢一刻，呢度係屬於我地既小天地。
「各有各的天空之都，只需相信，
繼續沉默努力種花 每個也有一顆種子 給撒種吧。」
「多謝。」我同晴晴向觀眾們鞠躬
……………………………….
時間回到比賽前一日的凌晨。
叮～James既電郵傳來訊息，上面顯示【隱藏條件解鎖】
【隱藏條件】
「如你能夠於當日向陳芷晴表白並成功。
你將會得到隱藏獎勵，前提是必須取得冠軍。」
我撳入去睇之後完全唔識比反應。
點解要係臨訓前send啲咁既野黎。
……………………………….
「等等。」我向在場所有觀眾講。
兩位司儀好似對我呢個舉動唔意外。
當我準備講出口既時候，發生左一件意想不到既事情。