再見，是再見還是再也不見？（重製版）: 第七話

慢慢地張開眼睛，望著房間的天花板。

「是夢嗎？」

我攞起手機查看日期，二零一九年九月一日。

我又返左黎呢一日。

任務呢？ 我打開email，任務依然存在。





「注意事項：任務期限為100天，如果100天後進度條沒有達到100%，屆時你將會接受懲罰。」

*剩餘日數為93天
*進度為5%

原來唔係發夢，我真係穿越左返黎。
但係系統似乎唔受呢個時間既影響。
仲有好多野都係一個謎，我需要啲時間去探索下。

首先…





「劉祖迪同學，你第一日就遲到咁大膽？」
「對唔住Miss Choi,龍翔道塞車呀。」
「好啦好啦，我睇下邊度有空位比妳坐先。」
「就坐係芷晴隔離啦，對人地好啲呀！」
「收到！」

果然同第一次返黎既時候一樣，到呢一刻都係跟住劇本走。

如無意外，應該得我一個有輪迴既記憶。




但係我記得晴晴話佢都收到類似既訊息，我應唔應該主動提起呢？

我記得我失去知覺之前系統話我冇達成到隱藏條件，因為我冇主動向晴晴表白。

究竟邊個係幕後操縱緊系統？

「James？」正在胡思亂想的我被晴晴叫醒左。
「你好似好攰咁，琴晚訓唔夠？」
「啊唔係呀，純碎係度諗緊啲野。」

仆街！劇本唔同左，暫時知道既係，我既一言一行會影響到未來既發展。

「蝴蝶效應」是連鎖效應的其中一種，其意思即一件表面上看來毫無關係，非常微小的事情，可能帶來巨大的改變。
此效應說明事物發展的結果，對初始條件具有極為敏感的依賴性，初始條件的改變，將會有引起結果的極大差異。 





我係度思考緊應該點樣開口同佢表白，但係表白完之後又會點？
如果佢拒絕我點算？如果我再次穿越點算？
無數個如果湧入我的腦袋中。 我實在不想再失去你了。 

「係喇James，黎緊學校搞Singcon，你要吾要參加？」
「好呀，妳係咪同我一齊唱先？」
「你咪做豬隊友就得！」 

就這樣，我謹慎地跟著劇本走。
本來以為一切都會好順利，但係要黎既總會黎。