MK學院: MK仔女江湖事件簿—鐵娘子(3)

「我屌你老母臭閪！」我不斷Chok個身：「放開我啊撚樣！」

可惜，都係一啲用都冇。

佢等到我冇曬力，郁都唔郁咁撻喺到先開聲。

「你唔係好撚串架咩？」佢叉住我條頸：「而家做咩淆撚曬底啊？」

最鳩憎呢啲濕鳩動作。





我一嘢咬落佢隻手到，佢痛到即刻彈開。

我吐口水：「士可殺，不可辱。」

尊嚴比生死重要。

「咁又唔洗下下都打打殺殺嘅。」佢揈一揈隻手：「我都冇講過要冧你。」

你唔係吓話？





「你綁到我咁就係想姦鳩我？」我苦笑：「拖入後巷咪算囉。」

搞咁多做咩啫？

「咁你都算高質嘅。」佢圍住我行：「不過唔係嗰方面。」

玩嘢啊？

我嘆氣：「你到底想點啫？」





佢喺我後面停低，雙手搭住我膊頭。

佢拍咗拍我膊頭：「搵你返嚟做拳手，真係打拳嗰隻。」

屌你咪玩啦。

「搵我打拳洗撚綁咩？」我反白眼：「你直接叫我嚟都得啦。」

我不知幾鍾意打拳。

「果然係名校出身，真係聰明。」佢行返嚟我面前：「所以你冇拳打嗰陣都係做返拳手。」

你都綁住咗我啦，我有得Say no咩？

我苦笑：「咁我走得未？」





你要講嘅都講曬啦。

「梗係未啦。」佢喺褲袋拎咗條黑布出嚟：「我哋會帶你去一個地方。」

又搞咩啊？

我嘆氣：「咁快啦。」

講完，我就比人抬咗上一架應該係手推車嘅嘢上面。

之後腳下傳嚟滾輪碌嘅聲，但好快就停咗。

跟住我就比人抬返落地，綁喺手腳上面嘅索帶都被剪開。





我企起身抆走黑布條，望咗望周圍。

喂，咩料啊？

呢個成個監倉咁款喎。

我大嗌：「喂！」

收返嚟嘅回應，就只得我講嘢嘅回音。

「唔洗嗌喇，你以後就住喺到。」我頭頂傳嚟一把男聲：「有嘢做就會搵人帶你出去架喇。」

我望上去就見到一個喇叭，而喇叭側邊就有一個CCTV。

唔撚係咁電視劇啊嘛？





我嘗試拍門、踢門、打門，可惜都係一啲用都冇。

由早、午、晚試一輪，到一日試一拳，最後放棄。